Zabbuli 44:7 - Baibuli Ekibono kya Katonda 2014

⁷ Aye niiwe owatuwonia abazigu baife, era waaswaza abo boonaboona abatukyagha.

Zabbuli 44:7 Iomraidhean Croise

2 Samueli 7:10

Ntegekeire abantu bange Abaisiraeli ekifo, mbate omwo babenga mu kifo ekyo nga kyaibwe ku bwaibwe, ghalobe kubaagho ekibatabula kabiri. Abantu ababi tibaja kwirayo kubadaazadaaza,

Zabbuli 132:18

Abazigu be nja kubaswaza, aye obwakyabazinga bwe buja kusigala nga bukaaligho.”

Zabbuli 136:24

Yaidha yaatuwonia omuzigu eyali atughangwire; okugonza kwe tikukoma, kubaagho byanda na byanda.

Zabbuli 140:7

Wo Musengwa Katonda, niiwe Musengwa Katonda wange ow'amaani anwanirira era n'ankuuma mu lutalo.

Zabbuli 144:10

iwe ogha bakyabazinga obughanguzi, n'owonia omugheereza wo Daudi.

Zabbuli 40:14

Abo abenda okundhita, baswaze era basoberwe. Abo abenda okuunumya, bairirizeeyo era banhoomebwe.

Zabbuli 53:5

Aye ni, baidha kuba mu kutya okubitirivu, okutya kwe batabangamuuku mu bulamu bwaibwe. Katonda aidha kusuulasuula eyo atyo amagumba g'abazigu b'abantu be, abafuudhe ere, baswale.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 10:42

Yoshua n'abasaadha be, baaghangula mu lulwana lulala bakyabazinga abo boonaboona, era baabatoolaku ebiketezo byaibwe. Kuba Musengwa Katonda wa Isiraeli, yalwanirira Isiraeli.

Yoshua 11:6

Musengwa Katonda yaakoba Yoshua ati: “Abo otabatya kuba ndidha kubaita boonaboona, idho ku saawa ng'oti ni dhino banaaba bafiire. Embalaasi dhaibwe mwidha kudhisala eminho, n'ebigaali byaibwe eby'omu lutalo mubyokye.”

Abalamuzi 2:18

Musengwa Katonda bwe yateerangagho Abaisiraeli omukulembeze, Musengwa Katonda oyo ng'aba ghalala n'omukulembeze oyo, era yaawonianga abantu abazigu baibwe, ekiseera kyonakyona omukulembeze oyo kye yamalanga ng'akaali mulamu. Musengwa Katonda yabagemerwanga ekivunika, kuba baasindanga olw'abo abaabadaazadaazanga ni babatuntuza.

1 Samueli 17:47

Era olwo abantu bano boonaboona abeesoloiza ghano bamanhe nga Musengwa Katonda talokola na mpiima waire na ifumo kuba Musengwa Katonda ni mwene lutalo luno, era imwe aidha kubata mu ngalo dhaife tubaghangule.”