Zabbuli 44:3 - Baibuli Ekibono kya Katonda 2014

³ Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Zabbuli 44:3 Iomraidhean Croise

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

2 Ebyomubyanda 20:7

Wo Katonda waife, iwe wabinga mu nsi eno abantu abaagirimu ng'abantu bo Abaisiraeli bali kumpi okutuukayo. Waagigha baidhukulu ba mukagwa wo Aburahamu, ebenga yaibwe lubeerera.

Zabbuli 111:6

Yayoleka abantu be nga bw'ali ow'obukumu mu by'akola, yaabafuula beene nsi, mu nsi edhitaali dhaibwe.

Zabbuli 17:7

Yoleka okugonza kwo mu nsambo eyeewuninkiriza, iwe awonia abo abalumuka abazigu baibwe, ni baidha okwewogoma gh'oli gha mukono gwo omusaadha.

Zabbuli 20:6

Buti ntegeire nga Musengwa Katonda aleetera kyabazinga we ye yasiiga omuzigo okughangula; awulira okusaba kwe ng'ali mu igulu lye eitukuvu, yaamugha obughanguzi obutaloodheka, ng'akozesa omukono gwe omusaadha ogw'amaani.

Zabbuli 4:6

Abantu kamaala bakoba bati: “Wo! Tugwana twafuna bikalamu byereere! Wo Musengwa Katonda, tulingeku n'amaiso ag'ekisa!”

Zabbuli 42:11

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Zabbuli 42:5

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka,

Zabbuli 74:11

Lwaki oloba okutuyamba ng'ate tuli mu bwetaavu? Lwaki otulingirira obulingirire n'ozingira bwa makono?

Zabbuli 77:15

Wakozesa amaani go, waatoola abantu bo mu bwiru, abo baidhukulu ba Yakobo ni Yosefu.

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Zabbuli 80:16

Abazigu baife baagutema baagutaaku n'omuliro; bagwananga baazikirira ng'obalingiriire okubasalira omusango.

Zabbuli 80:9

Waagulimaku, gwasimba emizi, gwabuna ensi.

Okuvaayo 15:16

Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Okubala 14:8

Musengwa Katonda bw'aba ng'atusiimye aidha kututwala mu nsi eyo engimu era erimu ebirungi kamaala, agitughe.

2 Ab'e Korintho 4:7

Aye ife abali oti nsugha dha itosi, niife abali n'obukombe buno, kino kisobole okwoleka ng'amaani amabitirivu ag'Amawulire Amalungi bwe gali aga Katonda se ti agaife.

Amateeka Agokubiri 10:15

Aye Musengwa Katonda yagonza inho badhaadha baimwe, kyeyava n'alonda imwe baidhukulu baibwe mu b'amaghanga agandi goonagoona. Era n'okutuusa mpegaano mukaali abantu be abalondemu.

Yoshua 24:12

Mwaja okubatuukaku nga mbaswiremu okutya n'okudhugumira, ekyaleetera bakyabazinga Abamori ababiri okulumuka embiro empiima dhaimwe n'obulaso bwaimwe ti n'ebyabaleetera okughangula.

Yoshua 3:10

Bwe munaaja nga mweyongerayo emberi, mwidha kumanha nga Katonda oyo omulamu ali n'imwe, kuba aidha kuja ng'abingagho Abakanaani, Abahitti, Abahivi, Abaperizzi, Abagirigashi, Abamori n'Abayebusi.

1 Samueli 12:22

Musengwa Katonda, olw'eriina lye eikologho, taja kubalekulira agho imwe, kuba yasiima mwene okubafuula eighanga lye.