Zabbuli 43:3 - Baibuli Ekibono kya Katonda 2014

³ Nsindikira obutangaavu bwo n'amazima go, bindholeke engira, bindeete ku lusozi lwo olutukuvu, ni mu isinzizo lyo mw'oba.

Zabbuli 43:3 Iomraidhean Croise

2 Samueli 15:20

Waakaidha bwidhe muno, kale lwaki mperaano nkutambuzatambuza eyo ntyo nga tiidhi ni ye nja? Busa, irayo otwale ni Bagitti baino. Nsaba Musengwa Katonda abagonzenga obutalekera era abenga mwesigwa ye muli.”

2 Samueli 15:25

Agho kyabazinga Daudi yaakoba Zadoki ati: “Mubbeede Esanduuku ey'Endagaano ya Katonda mugiizeeyo mu kibuga. Musengwa Katonda bw'aliba angemeirwa ekivunika, alindhiza naagibonaku, naabona n'ekifo kyayo mw'eba.

1 Ebyomubyanda 16:1

Baaleeta Esanduuku ya Katonda baagita mu kifo kyayo, mu Weema Daudi ye yagisimbiragho. Olwo baaghaayo eri Musengwa Katonda ebigheebwayo ebyokebwa, n'ebigheebwayo olw'okutabagana.

1 Ebyomubyanda 16:39

Yaataagho Zadoki kabona ni bakabona baine bakulirenga eby'okusinza mu kifo ekigulumivu eky'okusinzizaamu ekyali e Gibeoni.

1 Ebyomubyanda 21:29

Mu kiseera ekyo Weema ey'Okwagaananirangamu ni Musengwa Katonda Musa ye yakolera mu irungu, ni alutaari ye baayokerangaku emisengo, byali bikaali mu kifo ekigulumivu eky'okusinzizaamu e Gibeoni.

Zabbuli 119:105

Ekibono kyo n'eitaala eriimuliikirira ghe mbita, ni mbona engira.

Zabbuli 143:10

Ndhegeresa okukolanga nga bw'oyenda, kuba niiwe Katonda wange! Olw'omwoyo gwo omulungi mbisa mu ngira entuufu.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 3:4

Ndheta Musengwa Katonda n'amaani goonagoona, yeena yanvugira ng'ali ku lusozi lwe olutukuvu.

Zabbuli 36:9

Kuba niiwe oli n'ensulo ey'obulamu, era mu butangaavu bwo mwe tubonera obutangaavu bwene.

Zabbuli 40:11

Wo Musengwa Katonda, otalekera kunsaasiranga, nkuumanga buliidho olw'okugonza kwo okutakoma n'olw'obwesigwa bwo.

Zabbuli 42:4

Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Zabbuli 46:4

Eriyo omwiga oguli n'emyala egireeta eisanhu mu kibuga kya Katonda, agho mu ndhu entukuvu aghali oyo Ali Ghaigulu Yeene.

Zabbuli 57:3

Aidha kutuma amaani okuva mu igulu okwidha okumponia. Abo abankiriga aidha kubaswaza. Katonda aidha kundholeka nga bw'angonza obutalekera era nga bw'ali omwesigwa.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 78:68

aye yaalonda ekika kya Yuda, n'olusozi Sioni lw'agonza einho.

Zabbuli 84:1

Wo Musengwa Katonda iwe Afuga Amagye, eisinzizo lyo nga irungi!

Zabbuli 97:11

Obutangaavu bwakira abatuufu, n'eisanhu lyaidhira abo abagondera ebiragiro bya Katonda.

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Mika 7:8

Abazigu baife, mulobe kutusekerera mbu kuba tugwire. Tuja kusituka! Waire tuli mu nzikiiza buti, Musengwa Katonda aidha kutugha obutangaavu.

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Yoanne 1:4

Mu oyo nga n'omuli obulamu era obulamu obwo bwaba ekimuliikirira eky'abantu.