Zabbuli 43:2 - Baibuli Ekibono kya Katonda 2014

² Iwe Katonda wange niiwe ye neesiga, kale lwaki onsuuliriire? Lwaki ondekera abazigu okundiza amaziga nga bandaazadaaza?

Zabbuli 43:2 Iomraidhean Croise

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

Zabbuli 140:7

Wo Musengwa Katonda, niiwe Musengwa Katonda wange ow'amaani anwanirira era n'ankuuma mu lutalo.

Zabbuli 28:7

Musengwa Katonda n'amaani gange era n'engabo yange, oyo ye neesiga n'omwoyo omulala. Ambeera era yansanhusa, ndidha kumwembera olwembo olw'okumusiima.

Zabbuli 31:4

Mbisa aghalungi ndobe kugwa mu lutuula lwe banteze, kuba niiwe ye neesiga.

Zabbuli 42:10

Abazigu bange, bandi ng'oti ibwa lya ku mwoyo. Bandheeyereza n'ebivumo, eno bwebandeeba buli kiseera, bati: “Katonda wo ali gha?”

Zabbuli 42:9

Nze nkoba Katonda wange, oyo olubaale mwe neegisa, nti: “Lwaki oneerabiire? Lwaki ondekera abazigu okundiza amaziga nga bandaazadaaza?”

Zabbuli 44:9

Aye ate buti otusuuliriire era waatuleetera okuswala. Tokaaja na igye lyaife nga lija okulwana olutalo.

Zabbuli 71:9

Ni bwendikairigha otansuula ere; otandekulira agho ng'ate amaani gampweire.

Zabbuli 77:7

“Mbo Musengwa Katonda anaatusuula ere yaatwerabirira irala? Taliirayo kutusiima naire?

Zabbuli 88:15

Ndaazedaaze okuva mu buto era kata nfe. Onkoze ebitiisa kamaala, gampoire.

Zabbuli 94:14

Musengwa Katonda taja kusuulirira bantu be; taja kulekulira agho ighanga lye yeerondera.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Zekaria 10:12

Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Ab'e Filippi 4:13

Nsobola okugumira byonabyona olw'amaani Kurisito g'ampa.