Zabbuli 42:9 - Baibuli Ekibono kya Katonda 2014

⁹ Nze nkoba Katonda wange, oyo olubaale mwe neegisa, nti: “Lwaki oneerabiire? Lwaki ondekera abazigu okundiza amaziga nga bandaazadaaza?”

Zabbuli 42:9 Iomraidhean Croise

Zabbuli 13:1

Wo Musengwa Katonda, olikituusa gha obutanfaaku! Byanda na byanda? Olikituusa gha obutenda kuuningaku?

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 28:1

Wo Musengwa Katonda, iwe olubaale mwe neewogoma, nze ndi kukulirira: otaloba kumpulira. Bw'onsiriikirira ndidha kuba ng'oti n'abo abaaja e magombe.

Zabbuli 38:6

Ti kaali na maani geemerera, nja bwe ngwa; olunaku lwonalwona nsiiba nga ndira.

Zabbuli 43:2

Iwe Katonda wange niiwe ye neesiga, kale lwaki onsuuliriire? Lwaki ondekera abazigu okundiza amaziga nga bandaazadaaza?

Zabbuli 55:3

Ndhugumira olw'okutiisibwatiisibwa abazigu bange, gampweire olw'okuba abakozi b'ebibi bankiriga. Bandeetera ebizibu, era bantaaku enzigu nga baneeguguna.

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 77:9

Katonda takaali na kivunika naire? Obusungu n'obumuleeteire okulekera okutusaasira?”

Zabbuli 78:35

Baidhukira nga Katonda n'abakuuma era baidhukira ng'oyo Ali Ghaigulu Yeene n'abanunula.

Zabbuli 88:9

Amaiso gali kuunafugha olw'enaku. Buli kaakyeire nkweta iwe Musengwa Katonda, naasitulira emikono y'oli nga nkusaba.

Zabbuli 92:3

eno nga bwe tukuuta endingidi era nga bwetusuna ebivuga eby'enkosi ebindi.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Isaia 40:27

Kale imwe baidhukulu ba Yakobo, nkoba imwe Abaisiraeli, lwaki mwemuluguunhia muti Musengwa Katonda tabalumirwa, era muti bwe munhigirizibwa, Katonda waimwe oyo tabafaaku naire?

Isaia 49:15

Musengwa Katonda oyo yaabairamu ati: Omukazi asobola okwerabira omwana we ayonka, yaaloba kugemerwa kisa mwana we oyo ye yazaala? Aye waire ng'omukazi asobola okwerabira, nze tiribeerabira naire.