Zabbuli 42:8 - Baibuli Ekibono kya Katonda 2014

⁸ Omusana Musengwa Katonda andholeka nga bw'angonza obutalekera, obwire nze naamwembera olwembo nga mmusaba oyo Katonda ampa obulamu.

Zabbuli 42:8 Iomraidhean Croise

2 Samueli 22:5

Olumbe lwanzingiza, omuzigu ng'ayenda kunsaaniagho ng'oti mataba.

Yobu 35:10

Aye ghazira akobaku ati, ‘Katonda ali luuyi gha eyantonda, asobozesa abantu okwemba ni bwe baba nga bali mu kiseera ekizibu;

Zabbuli 124:4

banditweyiiyaagho ng'oti mwidhuzo gwa maadhi; baatuyoolookeraku ng'oti n'omwiga ogw'amaani,

Zabbuli 133:3

Kiri ng'oti n'omusulo ogw'oku lusozi Herimoni ogugwa ku nsozi dha Sioni. Eyo mu Sioni Musengwa Katonda ye yasuubiza okugha abantu enkabi, obwo nga n'obulamu obutawaagho.

Zabbuli 149:5

Abantu be ka basagambe inho olw'obughanguzi, era bembe olw'eisanhu nga bali mu buliri bwaibwe.

Zabbuli 16:7

Nsaaka Musengwa Katonda kuba angalagira, era ni mu bwire ghagati omwoyo gunkobera.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 32:7

Oli kifo kyange mwe neewogoma, niiwe omponia ebizibu wandhidhuza eisanhu olw'okuwonezebwa.

Zabbuli 44:4

Niiwe Kyabazinga wange era Katonda wange, niiwe asobozesa Yakobo okughangula.

Zabbuli 57:3

Aidha kutuma amaani okuva mu igulu okwidha okumponia. Abo abankiriga aidha kubaswaza. Katonda aidha kundholeka nga bw'angonza obutalekera era nga bw'ali omwesigwa.

Zabbuli 63:6

Ni bwenja mu buliri nkulowooza; obwire bwonabwona tikwerabira,

Zabbuli 77:6

Nkyesa obwire ng'ebidhuubo biri kwekuluumulula mu mwoyo gwange. Neefumintiriza era neebuuza mule nti:

Zabbuli 88:8

Ondeeteire ab'emikwano okuneesamba; wanfuula ekintu ekyenhinhalwa ye bali. Nsibiirwa aghantu ghe ntasobola waire okweiba.

Isaia 30:29

Aye imwe abantu ba Katonda, mulyemba era mwasagamba nga bwe mukola obwire nga mukuza ekibinuko ekitukuvu. Muliba basangaavu ng'abo abatambulira ku lwembo olw'endere, nga baja ku lusozi lwa Musengwa Katonda, oyo olubaale Isiraeli lwe yeewogomamu.

Abalevi 25:21

Nze Musengwa Katonda ndibagha enkabi mu mwaka ogwomukaaga, ensi yaabaza emere enaabamazangaku emyaka ebiri.

Yona 2:4

Nali nkoba nti onswire ere nve gh'oli, era nga tiriirayo kabiri kubona ku isinzizo eitukuvu.

Matayo 8:8

Omukulu ow'ekikunsu eky'abaisirukale yairamu ati: “Musengwa, tigwanira iwe kwingira mu ndhu yange, aye yogera bwogere kibono omugheereza wange aidha kuwona.

Ebikolwa by'Abatume 16:25

Agho nga mu bwire ghagati, Paulo ni Sila baali basaba Katonda era nga bamusaaka mu nhembo, era n'abasibe nga bali kuwulirisa.

Amateeka Agokubiri 28:8

“Musengwa Katonda waimwe aidha kubaghanga enkabi mu byonabyona bye munaakolanga, aidhuzenga emere mu byagi byaimwe. Aidha kubaghanga enkabi mu nsi y'ali kubagha.

Ab'e Kolosai 3:3

Kuba mwafa era obulamu bwaimwe bwagisibwa ghalala ni Kurisito mu Katonda.