Zabbuli 42:4 - Baibuli Ekibono kya Katonda 2014

⁴ Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Zabbuli 42:4 Iomraidhean Croise

2 Bakyabazinga 18:30

Era atabasendasenda kwesigulira ku Musengwa Katonda, nga mukoba muti, ‘Musengwa Katonda aidha kutuwonia, era aidha kulobera kyabazinga w'Abassiria okugema ekibuga kyaife.’

2 Bakyabazinga 18:32

okutuusa lwe ndiidha ni mbatwala mu nsi eri ng'oti n'eyaimwe, ensi erimu engaano, n'omwenge ogw'emizabbibu, n'amasamba ag'emizabbibu, n'omuzigo ogw'emiti emyoliva, era n'omudheenene gw'endhuki. Bwe munaakola mutyo, mwidha kuba balamu mulobe kufa. Aye mutawulirisa Hezekia ali kubaguyaguya ati Musengwa Katonda aidha kubawonia!

2 Ebyomubyanda 7:10

Ku lunaku olwairirira, olwamakumi abiri n'eisatu (23) olw'omwezi ogwomusanvu, kyabazinga Solomoni yaasiibula abantu okwirayo ewaibwe. Abantu bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi, ni Solomoni oyo, n'abantu be Abaisiraeli.

Yobu 29:2

“Ngoli mba nga bwenabanga eira. Ni mba mu biseera bire mwe nalabirirwanga Katonda,

Zabbuli 100:4

Mungire mu miryango gy'eisinzizo lye nga mumusiima, mutuuke ku mpya dhe nga mumusaaka. Mumusiime era musaake eriina lye,

Zabbuli 102:10

Olw'ekiruyi n'obusungu by'oli nabyo, wangema wansuula ere.

Zabbuli 115:2

Lwaki oleka amaghanga ni gabuuza gati: “Memale Katonda waibwe ali gha?”

Zabbuli 122:1

Nasangaala inho bwe bankoba bati: “Tuje mu ndhu ya Musengwa Katonda.”

Zabbuli 122:8

Olwa baganda bange ni bakagwa bange, nsaba nti: “Emiraala gibenga mu iwe.”

Zabbuli 55:14

Twalinga nga tughaya bukalamu, era ng'okuja mu isinzizo titulekagana.

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Zabbuli 79:10

Lwaki oleka amaghanga okutubuuza gati: “Memale Katonda waimwe ali gha?” Iwe beesasuulizeeku nga tubona, olw'omusaayi ogw'abagheereza bo be baita n'amaghanga goonagoona gakimanhe.

Zabbuli 80:6

Oleka amaghanga agatuliiraine gaalwanira eitaka lyaife, abazigu baife baatusekerera.

Isaia 30:29

Aye imwe abantu ba Katonda, mulyemba era mwasagamba nga bwe mukola obwire nga mukuza ekibinuko ekitukuvu. Muliba basangaavu ng'abo abatambulira ku lwembo olw'endere, nga baja ku lusozi lwa Musengwa Katonda, oyo olubaale Isiraeli lwe yeewogomamu.

Okulira 2:19

Muzuuke obwire emikuzi egigheraku mulirire Musengwa! Mumukobere ebibali ku mwoyo byonabyona ng'awulira. Mughanike amakono mugoolekeze Musengwa Katonda, nga musabira abaana baimwe abali kulambukira endhala ku nguudo dh'ekibuga.

Okulira 4:1

Ha, nga kyewuunhisa engeri zaabu ye yalekeramu okumesunkana; zaabu mwenemwene omukenenule n'afuukafuuka! Amabaale geenegeene agaabanga mu kifo ekitukuvu, okwagaanibwa mu nguudo dhoonadhoona edh'omu kibuga nga masuulesuule.

Ezekieli 46:10

Kyabazinga aidha kwingiriranga ghalala n'abantu nga bali kwingira. Era aidha kufulumiranga ghalala nabo nga bali kufuluma.

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Nahumu 1:15

Abantu ab'e Buyudaaya mubone eno! Omukwenda ali kwidhira ku nsozi ng'aleeta amawulire amalungi era ng'alangirira emiraala. Buti ni mukole ekibinuko era mutuukirize bye mweyama ye Musengwa Katonda kuba ababi abo tibaja kwirayo kabiri kulumba nsi yaimwe. Bazikiriziibwa baawaagho.

Luka 16:25

“Aye Aburahamu yaamukoba ati, ‘Mwana wange idhukira oti mu bulamu bwo wafuna ebirungi byonabyona, aye Lazaro yaafuna ebibi kale mperaano ono n'okuba mu kwesiima, iwe n'oba mu kubonaabona.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Ruthi 1:21

Kuba nava kuno nga ndi n'ebyange kamaala aye ndhize makaya. Kale agho nga lwaki mundheta Naomi, ng'ate Musengwa Katonda Aghanga Ebintu Byonabyona aneefuukiire yandeetera okudaagadaaga kuno.”