Zabbuli 41:9 - Baibuli Ekibono kya Katonda 2014

⁹ Ni mukagwa wange mwene ow'omukago ye nali neesiga era ye nalyanga naye, yeena aneefuuliire.

Zabbuli 41:9 Iomraidhean Croise

2 Samueli 15:12

Era Abusalomu bweyali ali kughaayo emisengo, yaayetesa Ahithofeli Omugiloni eyabanga mu kibuga Gilo, nga yali muwi wa magezi owa Daudi. Agho abantu abaali ku luuyi lwa Abusalomu baaja nga beeyongera obungi, n'olukwe lweyongeramu amaani.

Yobu 19:13

“Katonda andhawukainia ni baganda bange, n'abamanhe mbafuukiire ng'oti mugwira.

Yobu 19:19

Bakagwa bange einho bankyaye; abo be nagonzanga einho baneegaine.

Zabbuli 101:3

Tija kuganhanga kwereeterezaaku kintu kyonakyona kibi. Nkyaghira irala ebikolwa by'abo abava ku Katonda. Tija kukolagananga nabo naire.

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Obadia 1:7

Abairuukirize bo boonaboona baidha kukulyamu olukwe, bakusindiikirize bakubinge mu nsi yo. Abantu abakuziraku mpalana baidha kukwefuukira era bakughangule. Abo be weesiganga einho baidha kukutega olutuula ogwe, era bamale bakugeye bati: ‘Yeeyetanga mugezi inho, memale amagezi ge gajiire gha?’

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.

Matayo 26:23

Yesu yaabairamu ati: “Oyo akoza ninze mu kibya, oyo n'aidha okumpaayo.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.