Zabbuli 40:7 - Baibuli Ekibono kya Katonda 2014

⁷ Agho naakoba, nti: “Bona, ndidhie; ebinfaaku byaghandiikibwa mu nzingo y'ekitabo.

Zabbuli 40:7 Iomraidhean Croise

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Zabbuli 50:9

Tineetaaga nte dhaimwe nume okuva mu ngo dhaimwe, waire embuzi dhaimwe enume okuva mu bisibo byaimwe;

Zabbuli 51:18

Wo Katonda waife, ba wa kisa okolere Sioni bulungi, ebimante bya Yerusalemu bizimbibwe buyaaka.

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Isaia 50:5

Musengwa Katonda yampa okutegeera, naaloba kudheema era naaloba kwira inhuma kumuvaaku.

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.