Zabbuli 40:12 - Baibuli Ekibono kya Katonda 2014

¹² Ebizibu kamaala bineezungulwire, tibibalika na kubalika. Ebibi byange bimbitiriireku obungi, buti tibinganha na kubona. Obungi bwabyo businga enviiri edhiri ku mutwe gwange, n'amaani gampoiremu.

Zabbuli 40:12 Iomraidhean Croise

Amainhama 42:28

Yaakoba baganda be ati: “Empiiya dhange badhindhiriiza, dhiidhino mu nsawo yange.” Bwe baabona kino emyoyo gyabatyemuka, batengera, baakoba bati: “Kiki kino Katonda ky'atukoze?”

Zabbuli 116:3

Olumbe lwaneezungulula ng'oti lutuula lwa muyiizi; amagombe gaayasama okuumira, naidhula okutya n'okweraliikirira.

Zabbuli 19:12

Naani asobola okubona ensobi dhe mwene? Wo Musengwa Katonda, nsonigha ebisobyo bye ngwamu nga tiidhi.

Zabbuli 38:4

Ebibi byange byebunze emungo ensinga n'obuleeyi, era bizitogha inho tisobola na kubibbeeda.

Zabbuli 61:8

Nze ndidha kwembanga enhembo edhisaaka eriina lyo, nga bwempaayo kye neeyama buli kaakyeire.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Zabbuli 73:26

Waire omubiri gwange n'omwoyo binafugha, Katonda n'amaani gange era oyo n'omugabo gwange ebyanda n'ebyanda.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Luka 21:26

Abantu balizirikaku olw'okutya nga balinda ebyo ebiri kwidha ku nsi, kuba amaani ag'omu igulu galitengeesebwa.

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.