Zabbuli 4:8 - Baibuli Ekibono kya Katonda 2014

⁸ Bwe nambaala, ntenduka n'emiraala, kuba niiwe Musengwa Katonda wenka onkuuma obukalamu, ni ghabula akantuukaku naire.

Zabbuli 4:8 Iomraidhean Croise

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Zabbuli 3:5

Nambaala, naatenduka, kabiri naazuuka, kuba Musengwa Katonda ankuuma.

Ensambo 3:24

Bw'onalambaalanga tighaabengagho kikutiisa, era bw'onaatendukanga oidha kuwomerwanga endoolo dho.

Isaia 9:2

Abantu abaabanga mu nzikiiza, baboine obutangaavu bungi; abo abaabanga mu nzikiiza eri bedimudimu ng'oti n'ey'e magombe, ekimulika kibaakiire.

Ezekieli 34:25

Ndikola nadho endagaano ey'emiraala, naamalagho mu nsi eyo ensolo enkambwe. Olwo entaama dhisobole okubanga eyo mu nsiko nga dhiri mu miraala, era dhitendukenga n'eyo mu bibira.

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Abalevi 26:5

Ebirime byaimwe binaabalanga inho, mwakuba engaano okutuukiza irala ni mu biseera eby'okunoga emizabbibu, era mwanoga emizabbibu okutuukiza irala ni mu biseera eby'okusigiramu engaano. Munaalyanga emere mwaiguta, era munaabanga n'emiraala mu nsi yaimwe.

Amateeka Agokubiri 12:10

Aye bwe munaasomoka omwiga Yorudani, Musengwa Katonda waimwe aidha kubagha ensi eyo mugitwale. Aidha kubawonianga abazigu baimwe ababeezungulwire, mubenga miraala.

1 Ab'e Thessalonika 5:10

Ono n'eyatufiirira memale olwo tube naye lw'aliira, oba tuli balamu oba bafu.

Okwolekebwa 14:13

Naawulira amamiro agava mu igulu nga gakoba gati: Ghandiika oti: “Okuva ni buti ba nkabi abafu abafiira mu Musengwa! Mwoyo akoba ati: Bwenebwene ba nkabi! Okuva ni buti bawuumwire mu kutakabana kwaibwe, kuba ebikolwa byaibwe bibanonereza.”