Zabbuli 4:1 - Baibuli Ekibono kya Katonda 2014

¹ Katonda wange, iwe aidhi obutuufu bwange ndi kukweta otansiriikirira. Bwe nali ghagati mu buzibu, wanteewuluza. Idha ondhune, owulirise okusaba kwange.

Zabbuli 4:1 Iomraidhean Croise

Yobu 36:16

“Katonda yakutoola aghazibu, yaakuta mu idembe, era waafuna eby'okulya waasinwa n'okusinwa.

Zabbuli 11:7

Musengwa Katonda mutuufu era agonza ebikolwa eby'obutuufu. Abo abagondera ebiragiro bye n'abanaabanga mu maiso ge nga bamubona.

Zabbuli 116:16

Wo Musengwa Katonda, nze ndi mugheereza wo nga maama bwe yali. Niiwe omponiiza okufa!

Zabbuli 116:6

Musengwa Katonda akuuma abaghafu; bwe nali nga ndi mu buzibu n'eyamponia.

Zabbuli 119:132

Nningirira ongemerwe ekivunika, nga bw'okola abo abakugonza.

Zabbuli 143:2

Nze omugheereza wo otandhiza mu bya kwewozaaku, kuba ezira muntu mulamu azira musango mu maiso go.

Zabbuli 17:6

Wo Katonda wange, nkusaba kuba iwe ondhiramu. Tega kutu owulire bye nkoba.

Zabbuli 22:1

Katonda wange, Katonda wange, lwaki ondekuliire agho? Lwaki oba ghala otyo n'otanhamba, n'okuwologoma kwange ni kutakutuukaku naire?

Zabbuli 24:5

Musengwa Katonda aja kumugha enkabi; Katonda omulokozi we taja kumubonamu kibi kyonakyona.

Zabbuli 25:16

Wo Musengwa Katonda, otankuba nkoone aye nkusaba ondhune, kuba nsigaire zenka era ndaazibwadaazibwa.

Zabbuli 31:8

Toganhie bazigu bange kuntuukaku, era ompaire eidembe neetaaya.

Zabbuli 41:12

Ndidhi nga toidha kubaganha kunsuula, kuba nkola by'oyenda. Era oidha kunkuumira gh'oli ebyanda n'ebyanda.

Zabbuli 42:1

Ng'empongo bweyeegomba okutuuka ku mwiga ogw'amaadhi amainhogovu, zeena ntyo bweneegomba okutuuka gh'oli, iwe Katonda wange.

Zabbuli 45:1

Omwoyo gwange gwidhwire ebibono ebikalamu bye nja okughandiika. Olwembo luno ndi kuluyiiyiza kyabazinga, olulimi lwange lwetegeike ng'oti n'ekalaamu ey'omughandiisi omukugu.

Zabbuli 56:1

Wo Katonda wange nsaasira, kuba abantu baanumba; buli kiseera abazigu bange bankiriga.

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Zabbuli 6:1

Wo Musengwa Katonda, otandhuuka na busungu, era otankangaivula na kiruyi.

Zabbuli 67:1

Wo Katonda waife, tugemerwe ekivunika, otughe enkabi; tulingeku n'amaiso ag'ekisa.

Zabbuli 76:1

Katonda amanhiibwa mu Buyudaaya; eriina lye ligheebwa ekitiisa mu Isiraeli.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Yeremia 23:6

Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Habakkuku 3:19

Musengwa Katonda n'ampa amaani, yaagumya ebigere byange ku itaka oti bya mpongo, yankuuma naaloba kutyerera ku nsozi kugwa.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

2 Ab'e Korintho 1:10

Oyo eyatuwonia mu kabi akanene akaaga agho ak'okufa era n'alituwonia, era oyo ye tusuubira okutuwonia kabiri.

2 Ab'e Korintho 1:8

Aboluganda, twenda mumanhe okudaagadaaga okwatutuukaku mu Asia. Twanhigirizibwa ebitaloodheka, era nga titulowooza nga tusobola okuba abalamu.

1 Samueli 17:37

Era Daudi yaakoba ati: “Eyantoola mu nkumu edh'empologoma n'edh'ensolo enkambwe, aidha kuntoola ni mu ngalo edh'Omufilisiti oyo.” Agho Saulo yaakoba Daudi ati: “Kale ja, Musengwa Katonda abe n'iwe.”