Zabbuli 39:12 - Baibuli Ekibono kya Katonda 2014

¹² Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Zabbuli 39:12 Iomraidhean Croise

Amainhama 21:34

Aburahamu yaaba mu nsi ey'Abafilisiti okumala entangama endeeyiku.

Amainhama 47:9

Yakobo yairamu ati: “Emyaka gye naakamala ku nsi, nga ntambulatambula ng'omusenze, giri kikumi n'asatu. Emyaka egyo gibaire mizibu era nga mitono, tigyaze na myaka emingi badhaadha bange gye baamala ku nsi nga batambulatambula ng'abasenze.”

2 Samueli 16:12

Oba katyo Musengwa Katonda anaalingirira okudaagadaaga kwange, yansasulamu ebirungi mu kuvumibwa kwange kuno olwaleero luno.”

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

1 Ebyomubyanda 29:15

Wo Musengwa Katonda, okiidhi bukalamu nga ku nsi kuno ife tuli ng'abatamanhiibwa y'oli, tuli basenze busenze abali mu lugendo, nga badhaadha baife boonaboona bwe baali. Enaku dhaife edh'oku nsi dhibitagho bubite ng'oti kinsense, tidhiraalagho naire.

Yobu 13:28

Kyenva ni nseenena ng'oti n'ekintu ekivunda; oba ng'oti n'ekivaalo ekiriibwa ebisiisa.”

Yobu 16:20

Bakagwa bange baanhooma, aye ye Katonda ye numukira nga ndira amaziga.

Zabbuli 102:1

Wo Musengwa Katonda, ndhiraamu okusaba kwange, owulire okulira kwange.

Zabbuli 116:3

Olumbe lwaneezungulula ng'oti lutuula lwa muyiizi; amagombe gaayasama okuumira, naidhula okutya n'okweraliikirira.

Zabbuli 119:19

Ku nsi kuno ndiku ng'omugeni omugenze; mpa okutegeera ebiragiro byo.

Zabbuli 119:54

Ebiragiro byo n'ebimpa amaani, nga ndi ku nsi kuno ng'omugeni omugenze.

Zabbuli 56:8

Iwe oidhi nga bwendaazibwadaazibwa einho, n'amaziga ge naakalira ogaidhi. Byonabyona biri mu kitabo kyo.

Zabbuli 90:9

Obusungu bwo busala ku nnaku edh'obulamu bwaife; obulamu bwaife bwawaagho mangu geene.

Abalevi 25:23

“Eitaka tiriitundibwenga butaizibwa, kuba ninze mwene lyo. Imwe muli basenze busenze ku itaka eryo.

2 Ab'e Korintho 5:6

Kale ni buliidho tuba bagumu kuba twidhi nga bwe tuba mu mubiri guno, tituba ghalala ni Musengwa.

Abaheburayi 11:13

Abo boonaboona baafiira mu kwikiriza nga bakaali kufuna ebyo Katonda bye yabasuubiza, aye nga babirengerera ghala era nga babisangaalira, era nga baatula nga bwe baali abavaghala era abanoonia obubudamo ku nsi kuno.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.