Zabbuli 38:10 - Baibuli Ekibono kya Katonda 2014

¹⁰ Omwoyo gumpakukapakuka, amaani gampoire, amaiso gange tigakaabona bulungi.

Zabbuli 38:10 Iomraidhean Croise

Zabbuli 119:123

Nkooye okukanula amaiso nga nteegerera iwe okundokola, otuukirize ekyo kye wasuubiza.

Zabbuli 31:10

Obulamu bwange buseeneine olw'enaku n'emyaka gyange gyakendeera olw'okusinda. Amaani gampwamu olw'ebiinuma ku mwoyo, n'amagumba gaanafugha.

Zabbuli 42:1

Ng'empongo bweyeegomba okutuuka ku mwiga ogw'amaadhi amainhogovu, zeena ntyo bweneegomba okutuuka gh'oli, iwe Katonda wange.

Zabbuli 6:7

Amaiso gali kuunafugha, era gali kunfaamu olw'abazigu abandiza.

Zabbuli 69:3

Mpoiremu olw'okulira nga nkweta, amamiro gansaakaala. Amaiso tikaaghanga na kumoga, olw'okuteegerera Katonda wange okumbeera.

Zabbuli 88:9

Amaiso gali kuunafugha olw'enaku. Buli kaakyeire nkweta iwe Musengwa Katonda, naasitulira emikono y'oli nga nkusaba.

Isaia 21:4

Akazunguluze kangemye era ndi kudhugumira olw'okutya. Enzikiiza ey'eigulo ye mbaire neegomba etuuke, eri ku ntiisa butiise.

Okulira 2:11

Amaiso gaanafiighe olw'okulira, era ntabwirwa mu mwoyo. Amaani gampoire n'enaku yangema olw'okuzikirizibwa okw'abantu bange, n'olw'abaana abato abayonka era n'abo abakuzekuzeemu abalambukira ku nguudo edh'ekibuga.