Zabbuli 37:9 - Baibuli Ekibono kya Katonda 2014

⁹ kuba ababi baja kuwaagho aye abo abasuubirira mu Musengwa Katonda balitwala ensi.

Zabbuli 37:9 Iomraidhean Croise

Zabbuli 25:13

Mwene anaabanga n'ebirungi kamaala, ate abaana be n'abaidhukulu balitwala ensi.

Zabbuli 37:29

Abatuufu baja kutwala ensi era bagibeeku ebyanda n'ebyanda.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Ensambo 2:21

Abeesimbu n'abaja okuba beene nsi eno, era abeesigwa n'abaja okugisigalamu.

Isaia 57:13

Kale ni bwe munandiriranga mbayambe, ebisinzibwa byaimwe ebyo bye musoloza n'ebibe bibawonienga. Aye empewo obuwewo eribifuumuula yaabitwala. Ate nga abo abaneesiga nze, n'abalitwala ensi yaaba yaibwe era bansizizanga ku lusozi lwange olutukuvu.”

Isaia 58:14

olwo mulifuna eisanhu eriva mu kumpeereza nze Musengwa Katonda. Ndireetera abantu b'ensi dhoonadhoona okubatangamu imwe ekinhagansi, era imwe ndibagha ensi ye nagha dhaadha waimwe Yakobo, yaaba butaka bwaimwe. Nze Musengwa Katonda, ninze nkobye.”

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Okubala 26:65

kuba Musengwa Katonda yabakoba ati boonaboona baja kufiira mu irungu. Era boonaboona baafa, okutoolaku Kalebu mutabane wa Yefune ni Yoshua mutabane wa Nuni.

Amateeka Agokubiri 5:33

Mujiirenga ku ebyo byonabyona Musengwa Katonda waimwe bye yabalagira, mughange okuba obukalamu, mughangaalire mu nsi ye muja okutwala.”

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Yoshua 14:9

Olw'okuba nakola ntyo Musa yatusuubiza ati nze n'abaana bange, tuja kugheebwa eitaka eryo lye natambuliraku, libe lyaife.

Okwolekebwa 5:10

Wabafuula obwakyabazinga era waabafuula bakabona ba Katonda waife ab'okufuga ku nsi.”