Zabbuli 37:3 - Baibuli Ekibono kya Katonda 2014

³ Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Zabbuli 37:3 Iomraidhean Croise

Amainhama 26:2

Musengwa Katonda yaabonekera Isaaka, yaakoba ati: “Otaikirira mu Misiri; sigala mu nsi eno, obe ghe nnaakukoba.

Amainhama 26:3

Senga mu nsi eno, ndidha kubanga n'iwe era nkughenga enkabi. Ndidha kukugha iwe ni baidhukulu bo, ebiketezo eby'ensi bino byonabyona, era ntuukirize ekirayiro kye nalayirira lata wo Aburahamu.

1 Bakyabazinga 19:6

Eliya yaja okulinga ati, ng'abona agho gha mutwe gwe omugaati ogufumbiibwa ku manda, era n'ekidoome eky'amaadhi. Yaalya era yaanhwa, memale kabiri yairayo okulambaala.

Zabbuli 26:1

Wo Musengwa Katonda, sala omusango oyoleke nga bwe nziraku kinvunaanibwa, kuba mbairenga mwesigwa y'oli, aghazira kudaaliima naire.

Zabbuli 33:19

abawonia okufa, yaabakuuma nga balamu mu biseera eby'endhala.

Zabbuli 4:5

Mughengayo emisengo mu butuufu, era mwesigenga Musengwa Katonda.

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Ensambo 3:5

Weesigenga Musengwa Katonda n'omwoyo gwo gwonagwona, se ti kwesiga kutegeera kwo.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Luka 22:35

Yesu yaakoba Abeegeresebwa be ati: “Ku olwo lwe nabatuma ni mbakoba obutaja na mpiiya, nsawo oba engaito, ghaligho kye mwayenda ni mutakifuna?” Bairamu bati: “Ghazira.”

Amateeka Agokubiri 30:20

Mugonzenga Musengwa Katonda waimwe, mumuwulirenga, era mubenga beesigwa y'ali. Kuba oyo, n'obulamu bwaimwe, era n'obughanguzi bwaimwe. Olwo mwidha kubanga mu nsi Musengwa Katonda waimwe ye yasuubiza okugha badhaadha baimwe Aburahamu, ni Isaaka, ni Yakobo.”

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!