Zabbuli 34:1 - Baibuli Ekibono kya Katonda 2014

¹ Ndidha kusiimanga Musengwa Katonda ebiseera byonabyona, tija kulekera kumusaakanga.

Zabbuli 34:1 Iomraidhean Croise

Amainhama 20:2

Yaakoberanga abantu nga mukazi we Sara bw'ali mwanhina. Kale Abimeleki kyabazinga wa Gerari, yaayesa Sara baamumutwalira.

Amainhama 26:1

Agho endhala eyindi yaagwa mu nsi, okuleka ere eyagwa mu biseera bya Aburahamu. Isaaka yaaja eri Abimeleki, kyabazinga w'Abafilisiti mu Gerari.

Zabbuli 71:6

Mu kuva mu nda mbairenga neesiga iwe; niiwe owantoola mu nda ya maama. Buli kaakyeire ndidha kukusaakanga.

Zabbuli 71:8

Nkusaaka omusana n'obwire, era naakobera abantu nga bw'oli ow'ekitiisa.

Ensambo 29:25

Omuntu ali n'okutya aba mu kabi, aye ole eyeesiga Musengwa Katonda, Katonda oyo amuwonia ebizibu.

Ebikolwa by'Abatume 16:25

Agho nga mu bwire ghagati, Paulo ni Sila baali basaba Katonda era nga bamusaaka mu nhembo, era n'abasibe nga bali kuwulirisa.

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

Ab'Efeso 5:20

Buliidho mweyanzenga Katonda Iseife olwa byonabyona, nga mubita mu Musengwa waife Yesu Kurisito.

Ab'e Kolosai 3:17

Era kiisi kye mukolanga, ka kibe mu bibono oba mu bikolwa, mu kikole mu liina lya Musengwa Yesu, era nga mubita mu oyo okweyanza Katonda Lata nga musiimye.

1 Ab'e Thessalonika 5:18

era mu byonabyona mweyanzenga. Kuba ekyo Katonda ky'abendaku mu bulamu bwaimwe mu Kurisito Yesu.

2 Ab'e Thessalonika 1:3

Aboluganda, tuli n'okusiima Katonda buli kaseera olwa imwe, era nga bwe tugwaine kuba okwikiriza kwaimwe kuli kweyongera inho. Era n'okugonza kiisi mulala ku imwe kw'agonzaamu abandi kwona kweyongera inho.

2 Ab'e Thessalonika 2:13

Aboluganda abadingu ba Musengwa, tuli n'okusiima Katonda buli kaseera olwa imwe kuba Katonda yabalobolamu okuviira irala mu kwinhama, mulokolebwe nga mutukuzibwa Mwoyo era nga mwikiriza amazima.

1 Samueli 21:11

Abagheereza ba Akishi baakoba bati: “Ono ti ni Daudi kyabazinga ow'ensi eyo? Oyo ti ye baayembanga mu lwembo bwe bakina, nga bakoba bati, ‘Saulo aise nkumi na nkumi, Daudi yaita mitwalo na mitwalo.’ ”