Zabbuli 33:6 - Baibuli Ekibono kya Katonda 2014

⁶ Musengwa Katonda yalagira eigulu lyakolebwa; ebiririmu byonabyona byakolebwa olw'ekibono kye.

Zabbuli 33:6 Iomraidhean Croise

Amainhama 1:1

Mu kwinhama Katonda yatonda eigulu n'ensi.

Amainhama 1:6

Agho Katonda yaakoba ati: “Ghabeegho ekyawulamu amaadhi, kyawulengamu amaadhi ghabiri.” Era kyaba kityo.

Amainhama 2:1

Olwo ni, eigulu n'ensi, ni byonabyona ebirimu, byamalirizibwa okukolebwa.

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Amainhama 6:7

Yaakoba ati: “Ndidha kusaaniagho omuntu ye natonda ave ku nsi, era nsaaniegho n'ensolo, n'ebyeghaluliza ku itaka, n'enhonhi, kuba neidhwisa ekyabintonza.”

Yobu 26:13

Yafuuwa ebire yaabyeya ku igulu; yaagema empiima yaafumita ogusota ogw'omu nhandha nga guli kulumuka okwewonia.

Yobu 33:4

Omwoyo gwa Katonda n'ogwantonda, omuuka ogw'oyo Aghanga Ebintu Byonabyona n'ogwampa obulamu.

Zabbuli 104:30

Aye bw'obigha omuuka gwo bitondebwa, n'ensi yaafuna obulamu obuyaaka.

Zabbuli 33:9

kuba yayogera bwogere ensi yaabaagho, yaalagira bulagire buli kintu kyabaagho.

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Yeremia 8:2

Gaja kusansaanira buli ghantu, ghansi gh'endhuba, n'omwezi, n'emuunienie dhoonadhoona edh'oku igulu. Ebyo n'ebintu, abantu abo bye baagonzanga, ni babijiirangaku, ni babigheerezanga era ni babisinzanga. Era amagumba gaibwe ago tigaja kusolozebwa waire okuziikibwa, aye gaja kubanga ku itaka okwo ng'oti busa.

Yoanne 20:22

Bwe yamala okubakoba ekyo yaabafuuwaku omuuka yaabakoba ati: “Mufune Mwoyo Mutukuvu.

Ab'e Roma 1:25

Baira mu busubayi mu kifo eky'okugema amazima agagema ku Katonda, baasinza era baagheereza ebitonde, mu kifo eky'okugheereza Omutonzi, asaakibwa ebyanda n'ebyanda. Amiina.

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.

Abaheburayi 11:3

Okwikiriza n'okutusobozesa okutegeera ng'ensi yatondebwa na kibono kya Katonda kyaba nti ebiboneka byakolebwa okuva mu ebyo ebitaboneka.

2 Petero 3:5

Beewuuguusa bwewuuguuse aye nga baidhi ng'eira Katonda yayogera bwogere kibono eigulu n'ensi byabaagho. Ensi yakolebwa ng'eva mu maadhi era yakolebwa na maadhi.