Zabbuli 32:10 - Baibuli Ekibono kya Katonda 2014

¹⁰ Ebizibu ebiidhira ababi biri kamaala, aye Musengwa Katonda agonza abo abamwesiga n'okugonza okutakoma.

Zabbuli 32:10 Iomraidhean Croise

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 140:11

Abo abaghaama banaibwe ka babule ekibajiira obukalamu ku nsi kuno; obuzibu obw'okulalakulala bwidhire abakola eby'obukambwe bubazikirize.

Zabbuli 146:5

Yeesiimye oyo ayambibwa Katonda wa Yakobo, era n'asuubirira mu Musengwa Katonda nga ni Katonda we.

Zabbuli 147:11

aye asangaalira abo bamutya, abo abasuubirira mu kugonza kwe okutakoma.

Zabbuli 16:4

Abo abagwidhubanira emisambwa, beereetaku beene ebizibu kamaala. Nze tija kubeeyimbaku nga baghaayo emisengo gyaibwe, era tija kusinza misambwa gyaibwe.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Zabbuli 34:8

Mwidhe mubone Musengwa Katonda nga bw'ali omulungi! Ba nkabi abo abamwesiga!

Zabbuli 40:4

Ba nkabi abo abeesiga Musengwa Katonda, abatakyuka ni basinza bitali Katonda waire okweyimba ku abo abasinza emisambwa.

Zabbuli 5:12

kuba abagondera ebiragiro byo iwe Musengwa Katonda, obagha enkabi, era okugonza kwo kubawonia ebizibu ng'oti n'engabo.

Zabbuli 84:12

Wo Musengwa Katonda Afuga Amagye, nga beesiimye abakwesiga.

Ensambo 13:21

Ebizibu bija nga binoonereza aboonooni, aye abatuufu baligheebwa ebirungi.

Ensambo 16:20

Omuntu omwegendereza mu buli kintu, ebintu biidha kumujiiranga bukalamu, era wa nkabi oyo eyeesiga Musengwa Katonda.

Omulangirizi 8:12

Aye waire ng'omwonooni asobola okukola ebibi emikuzi kamaala ate yaaghangaala inho, nze ndidhi nti abo abatya Katonda baidha kubanga bukalamu olw'okumutya.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Isaia 57:21

Aboonooni tibaba na miraala naire.” Musengwa Katonda atyo bw'akoba.

1 Timotheo 6:10

Kuba okwenda einho empiiya, n'ekikolo okusibuka ebibi byonabyona. Era okuba n'amairu gaadho amangi kuleeteire abandi okudaaliima n'okuva ku kwikiriza, beereetera okudaagadaaga okw'amaani.