Zabbuli 30:5 - Baibuli Ekibono kya Katonda 2014

⁵ Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 30:5 Iomraidhean Croise

Amainhama 32:24

Aye mwene yaasigala eyo yenka. Ghaidhagho omusaadha, yaatuulana naye ekigwo, okutuusa obwire okukya.

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 103:9

Tajiirajiira inho ku muntu akoze kibi era tiyeegemerera.

Zabbuli 143:8

Nkusaba buli nkyo ondholekenga nga bw'ongonza obutalekera, kuba niiwe ye neesiga. Ngalagira bwe mbe neebise, kuba niiwe ye nsaba.

Zabbuli 145:10

Wo Musengwa Katonda, ebitonde byo byonabyona biidha kukusaakanga, n'abantu bo boonaboona abakutya baidha kukusiimanga.

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Zabbuli 46:5

Katonda mwene aba mu kibuga ekyo, era tikisobola kuzikirizibwa; Katonda awuuna buwuune mu nkyonkyo okukirwanirira.

Zabbuli 47:7

kuba Katonda ni Kyabazinga w'ensi yoonayoona, kale mumusaake mu nhembo.

Zabbuli 59:16

Aye nze ndidha kwembanga nga nsaaka amaani go; buli nkyo ndidha kwemberanga ghaigulu okugonza kwo okutakoma, kuba buliidho niiwe obairenga obubudamo bwange, era niiwe obairenga obulumukiro mu biseera ebizibu.

Zabbuli 63:3

Ndidha kukusaakanga, engeri y'ongonzaamu obutalekera ensingira n'obulamu bwene.

Zabbuli 97:12

Imwe abatuufu, musagambe olw'ebyo Musengwa Katonda by'akola era mumusiimenga.

Okuvaayo 3:15

Era yaayongera okukoba Musa ati: “Ekyo ky'obe oje okobe Abaisiraeli oti, ‘Musengwa Katonda, Katonda wa badhaadha baimwe, Katonda wa Aburahamu, Katonda wa Isaaka era Katonda wa Yakobo, antumye ye muli’ eryo n'eriina lyange ebyanda n'ebyanda, era ntyo bwe ndidha okwetebwanga ense dhoonadhoona edhiriiragho.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 26:20

Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Matayo 5:4

Ba nkabi abagegenga, kuba balyesiima.

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.