Zabbuli 30:11 - Baibuli Ekibono kya Katonda 2014

¹¹ Onkyukiiza okulira kwange waakufuula kukina, onsibwire ebikaakaati eby'okunakughala wandhidhuza okusangaala.

Zabbuli 30:11 Iomraidhean Croise

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

Amainhama 45:28

Isiraeli yaakoba ati: “Mulekere agho, ebyo bye mukobye bimala omwana wange Yosefu akaali mulamu. Ndidha kuja mmuboneku nga nkaali kufa.”

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

2 Ebyomubyanda 20:12

Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

2 Ebyomubyanda 20:3

Yehoshafati yaatya, yaasaba Musengwa Katonda ng'amweghemba, era yaalangirira ghabeegho okusiiba mu Buyudaaya mwonamwona.

2 Ebyomubyanda 20:9

‘Akabi bwe kanaatutuukangaku, ka lube olutalo, oba okusalirwa omusango, oba obulwaire obubi, oba endhala, twidha kwemereranga mu maiso go emberi gh'eisinzizo lino kuba agho ghe twidha twakusinza, twakukobera nga bwe tudaazibwadaazibwa, era iwe waatuwulirisa waatuwonia.’

Nehemia 8:10

Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Zabbuli 149:3

Basaake eriina lye nga bakina, nga bakubiraku entongooli n'engoma.

Zabbuli 150:4

Mumusaake nga mukuba engoma bwe mukina, mumusaakire ku bivuga eby'enkosi n'endere.

Zabbuli 27:7

Wo Musengwa Katonda, otansiriikirira nga ndi kulira! Nsaasira ondhiremu!

Zabbuli 30:5

Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 4:7

Aye iwe eisanhu ly'ompaire mu mwoyo gwange lisinga ery'abo lye baba nalyo, nga bali mu mwero gw'emere yaibwe, n'ogw'omwenge ogw'emizabbibu.

Omulangirizi 3:4

Ekiseera eky'okuwowoola, n'ekiseera eky'okuseka. Ekiseera eky'okulira, n'ekiseera eky'okukina.

Isaia 25:3

Abantu b'omu maghanga ag'amaani baidha kukughanga ekitiisa; n'ebibuga by'amaghanga amakambwe biidha kukutyanga.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Yeremia 31:4

Ndiiramu kabiri okubazimba imwe abantu bange mube eighanga eiyaaka. Muliiramu kabiri okugema obugoma bwaimwe, mwabukuba nga musagamba.

Yeremia 52:33

Yehoiakini baamuganha okutoolamu ebivaalo by'eikomera, era buli lunaku yaaliiranga ku kiiwulo kya kyabazinga.

Luka 15:22

Aye ise yaakoba abagheereza be ati, ‘Muleete mangu ekivaalo ekisinga bukalamu mumuvaaze, mumuteeku empeta ku ngalo, mumuvaaze n'engaito.

Yoanne 16:20

Bwenebwene ka mbakobere, mulirira, mwagegenga, aye ensi erisagamba; muliwulira enaku, aye enaku yaimwe erifuuka eisanhu.

Okwolekebwa 21:4

Alibeeya amaziga goonagoona mu maiso. Ghaliba tighakaali kufa, kugegenga oba kulira, oba obulumi. Kuba olwo eby'eira biriba nga byawaagho.”