Zabbuli 28:4 - Baibuli Ekibono kya Katonda 2014

⁴ Basasulemu ekigwana ebikolwa byaibwe n'ebibi bye bakola. Basasule ekyo ekigwana ebyo byonabyona bye baakola; ekyo ekibagwaniire ky'obe obaghe.

Zabbuli 28:4 Iomraidhean Croise

2 Samueli 3:39

Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

Ezera 9:13

Aye waire ng'ebyo byonabyona bitutuuseeku olw'ebikolwa byaife ebibi, n'olw'omusango omukologho ogutuliku, tubona nga iwe Katonda waife watugha ekibonerezo kitono inho ku ekyo ebibi byaife kye byali bigwaniire kuba watulekagho ife abaawonagho nga tuli bangi.

Zabbuli 103:10

Tatubonereza nga bwe tugwaniire olw'ebibi bye tukola, waire okutusasula ekibonerezo ekituukana n'okwonoona kwaife.

Zabbuli 21:10

Kyabazinga alizikiriza abaana baibwe okubamala ku nsi, era taja kulekera okutuusa nga boonaboona abamazeegho.

Zabbuli 5:10

Wo Katonda, basalire omusango gubasinge amagezi gaibwe geene n'agabe gabasuule. Babinge gh'oli olw'ebibi byaibwe kamaala, era n'olw'okukudheemera.

Zabbuli 62:12

era ng'akoba ati atugonza obutalekera; kuba agha kiisi muntu empeera ng'ajiira ku bikolwa bye.

Okulira 3:64

Wo Musengwa Katonda, baneesasuulizeeku olw'ebyo bye bankola.

Ezekieli 38:10

Musengwa Katonda era akoba, ati: “Ku lunaku olwo ebidhuubo biriidha mu mwoyo gwo, waategeka okukola akabi,

Ab'e Roma 11:22

Kale ni weekalirise ekisa n'obukambwe bwa Katonda. Akambughalira abo abaagwa, aye yaasaasira iwe kasita ogumira ku kisa kye. Aye bw'otagumira ku kisa kye, weena alikuwogolaku.

2 Timotheo 4:14

Alekisandero omugheesi yankola bubi inho, aye Musengwa alimwesasuulizaaku olw'ebyo bye yankola.

Okwolekebwa 18:6

Mumukole nga mwene bwe yabakola, ate ku bikolwa bye mumwesasuuzeemu emikuzi ebiri. Ekikopo kye yabatabulira imwe, mukimutabuliremu obuka bwa mikuzi ebiri.

Okwolekebwa 22:12

“Bona, ndi kwidha mangu. Ndidha n'empeera nsasule buli muntu, nga njiira ku bye yakola.