Zabbuli 27:6 - Baibuli Ekibono kya Katonda 2014

⁶ Olwo mbe nga mpangwire abazigu bange abaneezungulwire; olwo nkube emizira nga mpaayo emisengo mu ndhu ye, era nhembere Musengwa Katonda enhembo edhimusaaka.

Zabbuli 27:6 Iomraidhean Croise

Amainhama 40:13

Mu nnaku isatu kyabazinga aidha kukusibula ove mu ikomera, akusonighe era akwirize obukulu bwo, osobole okumugemyanga ekikopo, nga bwe wakolanga eira bwe wali ng'okaali omusenero we.

Amainhama 40:20

Ku lunaku olwokusatu, olwali olw'okukulizaaku amazaalibwa ga kyabazinga, kyabazinga yaagabula abakungu be boonaboona embaga. Yaafulumya mu ikomera omusenero omukulu n'omufumbi omukulu, bombi yaabaleeta mu maiso g'abakungu be.

2 Samueli 22:1

Agho Daudi yaayembera Musengwa Katonda olwembo luno, ku lunaku Musengwa Katonda oyo lwe yamuwonia omuzigu we Saulo n'abazigu be abandi boonaboona:

2 Samueli 22:49

yamponia abazigu bange. Bwenebwene ombeedie, abaanumbagana baasigala ghansi; omponiiza abo abakola eby'obukambwe.

2 Samueli 7:9

Naabanga ghalala niiwe buli ye wajanga, naasaaniangagho abazigu bo ng'oli kumpi okutuukayo. Era ndidha kukufuula mukologho obe ng'oti n'abantu abakologho ab'oku nsi.

2 Bakyabazinga 25:27

Agho kyabazinga Evilimerodaki ow'e Babilonia, yaagemerwa kyabazinga Yehoiakini ow'e Buyudaaya ekivunika mu mwaka gwene Evilimerodaki oyo gwe yafuukiramu kyabazinga. Yaamutoola mu ikomera ku lunaku olwamakumi abiri n'omusanvu, mu mwezi ogweikumi n'ebiri (12), mu mwaka ogwamakumi asatu n'omusanvu (37), okuva Yehoiakini oyo kyabazinga wa Buyudaaya lwe yasibwa.

1 Ebyomubyanda 22:18

Yaakoba ati: “Musengwa Katonda waimwe ali ghalala n'imwe, era abaghaire emiraala ku ndhuyi dhoonadhoona. Yansobozesa okughangula abantu abaabanga mu nsi eno, era mpegaano bagondera Musengwa Katonda n'imwe abantu be.

Zabbuli 107:22

Era bagwainenga bagheeyo emisengo olw'okumwebaza, bembenga n'enhembo edh'eisanhu edhoogera ku by'abakolera.

Zabbuli 110:7

Kyabazinga alinhwa amaadhi ag'omu kaiga akali ku ngira, olwo yaatambula n'obughanguzi nga mugumu.

Zabbuli 119:108

Wo Musengwa Katonda, siima okusaba kwange nga nkwebaza, ondhegerese okujiira ku nsala yo entuufu.

Zabbuli 138:5

Era baidha kwembanga ku ebyo bye wakola, kuba ekitiisa kyo kinene.

Zabbuli 21:1

Wo Musengwa Katonda, olw'amaani go kyabazinga asangaire; era olw'obuyambi bwo asagambira ghaigulu.

Zabbuli 21:13

Wo Musengwa Katonda, ogulumizibwenga buliidho olw'amaani go. Ife tunaayembanga era twakusaakanga olw'obukumu bwo.

Zabbuli 3:3

Ate nga iwe Musengwa Katonda, niiwe engabo mwe neewogoma, niiwe ompeesa ekitiisa, naatambula nga ndi mugumu.

Zabbuli 3:4

Ndheta Musengwa Katonda n'amaani goonagoona, yeena yanvugira ng'ali ku lusozi lwe olutukuvu.

Zabbuli 47:1

Abantu mwenamwena mukube mu ngalo! Mukubire Katonda emizira, mumwembere n'enhembo edh'eisanhu.

Zabbuli 57:8

Iwe omwoyo gwange zuuka! Iwe entongooli yange, n'iwe endingidi yange muzuuke. Leero ndidha kuzuusa endhuba.

Zabbuli 81:1

Mwembere ghaigulu olwembo olusaaka Katonda oyo amaani gaife; mumukubire emizira oyo Katonda wa Yakobo.

Zabbuli 95:1

Mwenamwena mwidhe twembere Musengwa Katonda, mwidhe tumukubire emizira oyo omukuumi era omulokozi waife!

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Yeremia 31:7

Musengwa Katonda akoba ati: “Mwembe n'amaani nga musagamba ku lwa Isiraeli. Mukubire emizira eighanga erisinga agandi goonagoona obukologho. Mwembe olwembo lwaimwe olusaaka, mulangirire muti, ‘Musengwa Katonda alokoire abantu be Abaisiraeli abaawonagho.’

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.