Zabbuli 27:4 - Baibuli Ekibono kya Katonda 2014

⁴ Ekintu kirala kiti kye nsaba Musengwa Katonda, kye nhenda kiri kirala nti mbenga mu ndhu ya Musengwa Katonda enaku dhoonadhoona edh'obulamu bwange, okulingirira obulungi bwa Musengwa Katonda, n'okumusaba angalagire;

Zabbuli 27:4 Iomraidhean Croise

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

Zabbuli 23:6

Bwenebwene olw'okungonza kwo n'olw'okunsaasira kwo, oidha kubanga ghalala ninze, enaku dhoonadhoona edh'obulamu bwange. Era nga nkaagheeragho tija kuvanga mu ndhu ya Musengwa Katonda.

Zabbuli 26:6

Wo Musengwa Katonda, okumanha nga nziraku musango, nnaabye mu ngalo, era naatambula okwezungulula alutaari nga nkusinza.

Zabbuli 26:8

Wo Musengwa Katonda, ngonza endhu yo mw'oba, n'ekifo ekitiisa kyo ghe kibonekera.

Zabbuli 27:8

Wankoba oti: “Idha onsinze.” Mpegaano nze nkoba nti: “Musengwa Katonda, ndidhie okukusinza

Zabbuli 50:2

Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Zabbuli 65:4

Wa nkabi oyo y'olonda n'omuseesa okumpi n'iwe, abenga mu kifo kyo ekitukuvu. Bwe tufuna ebirungi eby'omu ndhu yo, ni tufuna n'enkabi edhiva mu isinzizo lyo eitukuvu, titudhulirira kindi.

Zabbuli 84:10

Okumala olunaku olulala mu isinzizo lyo, kusinga okumala enaku olukumi aghantu aghandi woonawoona. Mmala gaba mukuumi ku mulyango gw'endhu ya Katonda wange, ntabaire munda mwa ndhu dha bakozi ba bibi;

Zabbuli 84:4

Ba nkabi abo ababa mu ndhu yo, nga buli kaakyeire bemba enhembo edhikusaaka.

Zabbuli 90:17

Wo Musengwa Katonda waife, tukusaba enkabi dho dhibenga n'ife, kiisi kye tugemaku kitujiirenga bukalamu bwenebwene ghabule ekitulema.

Yeremia 29:13

Muliinoonia nze ghe ndi mwambona, kuba muliinoonia n'omwoyo gwaimwe gwonagwona.

Danieli 9:3

Agho naakyukira eri Musengwa Katonda wange, naamusaba nga mweghemba, naasiiba, naavaala ekutiya, era naatyama mu ivu.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Luka 10:42

aye ekyetaagisa kiri kirala, Maria n'alonze ekintu ekirungi, ekitaghanga kumutoolebwaku.”

Luka 13:24

“Mufube inho okungirira mu mulyango omufunda, kuba ka mbakobere abantu kamaala baligezaaku okungira aye tibalighanga.

Luka 18:1

Agho yaabafumira olufumo okubalaga ati bagwaine okusabanga buliidho era n'obutakoogha.

Luka 2:37

Yaaba namwandu okutuusa emyaka kinaana n'ena. Yali nga tava mu isinzizo, omusana n'obwire ng'ali ku kugheereza Katonda, kusaba na kusiiba.

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Filippi 3:13

Aboluganda, ndidhi nga nkaali kukifuna, aye kye nkola n'okwerabira ebiri einhuma wange naanuyirira ebyo ebindi emberi.

1 Timotheo 5:5

Oyo aba namwandu mwene liina asigaire yenka, eisuubi lye liba mu Katonda. Afuba okweghembanga n'okusaba Katonda omusana n'obwire.

Abaheburayi 11:6

Ghazira aghanga kusiimya Katonda ng'azira kwikiriza. Kuba aja ye Katonda ateekwa okwikiriza nga Katonda aligho, era ng'agha empeera abo abamunoonia.

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”

1 Samueli 22:10

Ahimeleki oyo yaamwebuulizaagho eri Musengwa Katonda, era yaamugha eby'okulya era n'empiima ya Goliathi Omufilisiti.”

1 Samueli 30:8

Daudi yeebuuzaaku ku Musengwa Katonda ati: “Mingirire abanhazi abo? Nnaabagema?” Musengwa Katonda yaamwiramu ati: “Babingirire, kuba bwenebwene oidha kubagema era onunule abanhage.”