Zabbuli 27:1 - Baibuli Ekibono kya Katonda 2014

¹ Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 27:1 Iomraidhean Croise

Yobu 29:3

entaala ye yayakiranga agho ku mutwe gwange, okuumulisa mbite mu nzikiiza.

Zabbuli 11:1

Oba nga Musengwa Katonda ye neesiga, imwe mukana mutya okunkoba muti: “Guluka ng'enhonhi oje mu nsozi,

Zabbuli 118:21

Wo Musengwa Katonda, nsiimye kuba onkoleire nga bwe nkusabye era wampa obughanguzi.

Zabbuli 118:6

Musengwa Katonda n'omubeezi wange, ghazira kye nsobola kutya. Omuntu obuntu katyo asobola kunkola ki?

Zabbuli 18:28

Wo Musengwa Katonda, onkunaanikiiza eitaala waamingaku enzikiiza.

Zabbuli 18:29

Ku lulwo nsobola okughangula eigye eiramba, era naaghalampa ebisenge mwe beegisa.

Zabbuli 18:46

Musengwa Katonda mulamu! Oyo n'olubaale mwe neewogoma, agwaine asaakibwenga; Katonda oyo n'obulokozi bwange, agulumizibwenga!

Zabbuli 19:14

Nkusaba osiime bye ndhogera era osiime n'ebidhuubo ebindi ku mwoyo. Wo Musengwa Katonda, niiwe olubaale mwe neegisa, era niiwe omulwanirizi wange!

Zabbuli 3:8

Okuwonezebwa kuva eri iwe, Musengwa Katonda. Enkabi dho dhibe ku bantu bo.

Zabbuli 43:2

Iwe Katonda wange niiwe ye neesiga, kale lwaki onsuuliriire? Lwaki ondekera abazigu okundiza amaziga nga bandaazadaaza?

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 62:6

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 2:5

Kale ni, imwe baidhukulu ba Yakobo, mwidhe tutambulire mu butangaavu bwa Musengwa Katonda.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Yeremia 20:11

Aye iwe Musengwa Katonda oli ku luuyi lwange, era oli ng'oti mulwani wa maani atatuukikaku. Abo abankiriga tibaidha kumpangula. Baidha kuswala ebitaloodheka, kuba tibaidha kunsobola. Era okuswala kwaibwe okwo, abantu tibalikwerabira byanda na byanda.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Matayo 8:26

Yesu yaabakoba ati: “Lwaki mutiire, imwe ab'okwikiriza okutono!” Yaasituka, yaakaabukira kiwunga n'enhandha, era kyaba mulaala inho.

Luka 2:30

Kuba amaiso gange gaboine okulokola kwo,

Luka 3:6

Olwo abantu boonaboona baabona nga Katonda bw'alokola.’ ”

Yoanne 1:9

Nga kino n'ekimuliikirira kyenekyene, ekyali nga kiri kwidha mu nsi okumuliikirira abantu boonaboona.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

2 Ab'e Korintho 12:9

Aye yandhiramu ati: “Ekisa kyange kikumala, kuba amaani gange gabonekera mu bunafu bwo.” Kale kinsangaaza inho okwesaaka olw'obunafu bwange, amaani ga Kurisito gabe mu nze.

Amateeka Agokubiri 7:18

Aye mutabatyanga. Mwidhukirenga Musengwa Katonda waimwe kye yakola kyabazinga w'e Misiri, ni ku bantu b'e Misiri boonaboona.

Amateeka Agokubiri 7:21

Kale ni mutabatyanga, kuba Musengwa Katonda waimwe aba mu imwe, era oyo n'omukologho ali n'okutiibwa.

Ab'e Filippi 4:13

Nsobola okugumira byonabyona olw'amaani Kurisito g'ampa.

Abaheburayi 13:6

Kyetuva ni twogera n'obugumu tuti: “Musengwa n'omubeezi wange, tiityenga kintu kyonakyona. Omuntu aghanga kunkola ki?”

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

Okwolekebwa 22:5

Obwire tibuliiramu kuziba, era tibalyetaaga butangaavu bwa ntaala oba obw'endhuba. Kuba Musengwa Katonda n'anaabanga obutangaavu bwaibwe, era balifuga ebyanda n'ebyanda.

Okwolekebwa 7:10

Baayasiikana bati: “Twalokolebwa Katonda waife atyaime ku kityamo eky'obwakyabazinga, era n'Entaama Ento!”