Zabbuli 26:1 - Baibuli Ekibono kya Katonda 2014

¹ Wo Musengwa Katonda, sala omusango oyoleke nga bwe nziraku kinvunaanibwa, kuba mbairenga mwesigwa y'oli, aghazira kudaaliima naire.

Zabbuli 26:1 Iomraidhean Croise

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Yobu 4:6

Katonda wamusinzanga, waaba mwesigwa y'ali era waaba muntu mwesimbu. Ekyo tikikugha isuubi?”

Zabbuli 121:3

Musengwa Katonda oyo taja kukuganha kugwa, oyo n'omukuumi wo ataja kuwongera naire.

Zabbuli 15:2

N'oyo omutuufu aziraku musango, ng'akola ekituufu, era nga by'ayogera muzira buguya.

Zabbuli 21:7

Kyabazinga yeesiga Musengwa Katonda, era olw'okuba oyo Ali Ghaigulu Yeene amugonza inho, ghazira kimutengeesa naire.

Zabbuli 25:2

Katonda wange, niiwe ye neesiga, mponia okuswala otaganha bazigu bange kuneeyagaliraku.

Zabbuli 25:21

Wo Musengwa Katonda, nkusaba obwesigwa n'obutuukirivu binkuumenga, kuba eisuubi lyange liri mu iwe.

Zabbuli 26:11

Aye nze atambulira mu bwesigwa, nsaasira era onnunule.

Zabbuli 28:7

Musengwa Katonda n'amaani gange era n'engabo yange, oyo ye neesiga n'omwoyo omulala. Ambeera era yansanhusa, ndidha kumwembera olwembo olw'okumusiima.

Zabbuli 31:14

Aye nze neesiga iwe Musengwa Katonda. Era nkyogera nti: “Niiwe Katonda wange.”

Zabbuli 35:24

Sala omusango oyoleke nga bwe nziraku musango, kuba iwe oli mutuufu, era otabaganha kusagamba lwa kugwa kwange.

Zabbuli 37:31

Amateeka ga Katonda we tigamuva ku mwoyo, era mw'atambulira aghazira kudaaliima.

Zabbuli 4:5

Mughengayo emisengo mu butuufu, era mwesigenga Musengwa Katonda.

Zabbuli 43:1

Wo Katonda wange, sala mu butuufu oyoleke nga bwe nziraku musango, era mpolezaagho nga ndi kuwoza n'abantu abatatya Katonda; ntoola mu ngalo dh'abantu abaguya era abatali beesimbu.

Zabbuli 54:1

Wo Katonda wange, ndokola olw'obuyinza bwo, era omponie abo abampaghabira.

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 62:6

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 7:8

Niiwe osala emisango egy'abantu boonaboona. Sala ogwange oyoleke nga bwendi omutuufu era nga bwenzira musango gwonagwona.

Zabbuli 94:18

Bwe nayana nti: “Ndi kutyerera,” iwe Musengwa Katonda wangemerera olw'okuba ongonza obutalekera.

Ensambo 20:7

Abaana abasikira iseibwe omulungi era omwesigwa, baba ba nkabi.

Ensambo 29:25

Omuntu ali n'okutya aba mu kabi, aye ole eyeesiga Musengwa Katonda, Katonda oyo amuwonia ebizibu.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Abaheburayi 10:23

Tukalangule eisuubi lye tuli nalyo kuba Katonda eyatusuubiza mwesigwa.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

2 Petero 1:10

Kale ni aboluganda, mufubenga inho okwekalangulira ku kwetebwa Katonda kwe yabeetamu n'okulondebwa kwe yabalondamu, birobe kukyukamu. Bwe mukola mutyo timuja kugwa

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.

1 Samueli 24:15

Nsaba Musengwa Katonda asale omusango ghagati ghange n'iwe, anoonereze ensonga, ampolereze era antoole mu ngalo dho.”