Zabbuli 25:3 - Baibuli Ekibono kya Katonda 2014

³ Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 25:3 Iomraidhean Croise

Amainhama 49:13

Zebuluni aidha kubanga kumpi n'enhanda. Ku bukalu bwe n'okunaabanga omwalo gw'amaato. Ensalosalo ye eidha kubanga ku Sidoni.

1 Ebyomubyanda 10:13

Kale Saulo yaafa atyo, olw'obutaba mwesigwa eri Musengwa Katonda. Yaloba okukola ebyo Musengwa Katonda bye yamulagira, yaira mu kweraguza ku basamize,

Zabbuli 109:3

Buli kiseera bandhogeraku eby'obukyayi, ate nga baanumbagana bya bwereere.

Zabbuli 119:78

Swaza abo abeekuluntaza, kuba baanumiriza bye ntakolangaku; aye nze ndidha kwefumintirizanga inho ku mateeka go.

Zabbuli 123:2

Ng'omugheereza omusaadha bw'alingirira ku musengwa we omusaadha, n'omugheereza omukazi n'alingirira ku musengwa we omukazi, twena tutyo bwe tulingirira ku Musengwa Katonda, oyo Katonda waife, okutuusa lw'alitugemerwa ekivunika.

Zabbuli 132:18

Abazigu be nja kubaswaza, aye obwakyabazinga bwe buja kusigala nga bukaaligho.”

Zabbuli 22:6

Aye nze ndi ng'oti lugereegere tikaali muntu, ndi nseko dha balamu era abantu ye banhooma.

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Zabbuli 31:17

Wo Musengwa Katonda, otandeka ni nswala, kuba niiwe ye nsaba. Abakozi b'ebibi baswaze, baje e magombe nga basiriikiriire.

Zabbuli 31:18

Sirisa abaguya abo kuba baidhwire okwebona. Boogera bubi ku bantu abatuufu nga babanhoomerera.

Zabbuli 33:20

Eisuubi lyaife liri mu Musengwa Katonda; oyo n'atubeera era oyo n'engabo yaife.

Zabbuli 35:26

Abo abasagamba ng'ebizibu bingwireku, batabule emitwe era obaswaze. Abo abaneekulumbalizaaku baswakize irala era banhoomebwe.

Zabbuli 37:34

Weesige Musengwa Katonda okolenga nga bw'alagira, aja kukugha ekitiisa otwale ensi, era obone ng'ababi bawaagho.

Zabbuli 6:10

Abazigu bange boonaboona baja kugemwa ensoni n'entiisa era okutemya n'okuzibula nga bali kutebenta emisinde olw'okuswala.

Zabbuli 62:1

Nteegerera Katonda n'obuguminkiriza aidhe andokole; oyo n'omulokozi wange yenka.

Zabbuli 62:5

Nteegerera Katonda n'obuguminkiriza aidhe andokole, mu oyo eisuubi lyange mwe liva.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Zabbuli 69:6

Wo Musengwa Katonda Afuga Amagye, ka ndobe kuswaza abo abasuubira mu iwe. Wo Katonda wa Isiraeli, nhamba ndobe kunhoomesa abo abakusinza.

Zabbuli 71:13

Abo abaanumba baswaze era obazikirize. Abo abagezaaku okuntuusaaku ebizibu, baswalize irala era banhoomebwe.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 40:31

Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Yeremia 20:11

Aye iwe Musengwa Katonda oli ku luuyi lwange, era oli ng'oti mulwani wa maani atatuukikaku. Abo abankiriga tibaidha kumpangula. Baidha kuswala ebitaloodheka, kuba tibaidha kunsobola. Era okuswala kwaibwe okwo, abantu tibalikwerabira byanda na byanda.

Okulira 3:25

Musengwa mulungi eri abo abamwesiga, mulungi eri omwoyo ogufaayo okukola by'ayenda.

Mika 7:7

Aye nze, amaiso ndidha kugatanga ku Musengwa Katonda yenka. Katonda oyo ye ndidha okuteegereranga aidhe andokole. Katonda wange aidha kuwuliranga okusaba kwange.

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.