Zabbuli 25:2 - Baibuli Ekibono kya Katonda 2014

² Katonda wange, niiwe ye neesiga, mponia okuswala otaganha bazigu bange kuneeyagaliraku.

Zabbuli 25:2 Iomraidhean Croise

2 Ebyomubyanda 13:18

Kale Abaisiraeli baaghangulwa batyo ku mukuzi ogwo, ate Abayudaaya baaba baghanguzi, kuba Abayudaaya abo beesiga Musengwa Katonda, oyo Katonda wa badhaadha baibwe.

Zabbuli 13:5

Aye nze nkwesiga olw'okungonza einho, mu mwoyo gwange nsagamba kuba ndidhi ng'oidha kumponia.

Zabbuli 142:6

Otaloba kumbeera nga nkulirira, kuba mpoiremu eisuubi. Mponia abo abankiriga, kuba ba maani inho okunsinga.

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 22:1

Katonda wange, Katonda wange, lwaki ondekuliire agho? Lwaki oba ghala otyo n'otanhamba, n'okuwologoma kwange ni kutakutuukaku naire?

Zabbuli 22:5

Baakulirira era waabalokola; baakwesiga era waabawonia okuswala.

Zabbuli 22:8

“Yeesiga Musengwa Katonda, lwaki buti tamuwonia? Oba nga Musengwa Katonda amugonza lwaki tamuyamba?”

Zabbuli 31:1

Wo Musengwa Katonda, niiwe ye neesiga otandeka kuswala. Niiwe Katonda ow'obutuufu, nkusaba ondokole.

Zabbuli 31:15

Obulamu bwange buli mu ngalo dho; ntoola mu ngalo dh'abazigu bange abankiriga.

Zabbuli 31:2

Tega kutu ompulirise, yangughaku omponie, onfuukire olubaale olw'okwewogomamu era ekimante ekigumu ekineezungulwire eky'okumponia.

Zabbuli 34:8

Mwidhe mubone Musengwa Katonda nga bw'ali omulungi! Ba nkabi abo abamwesiga!

Zabbuli 37:40

Ababeera era yaabawonia ng'abatoola mu ngalo dh'ababi, kuba bamwesiga.

Zabbuli 41:11

Ndidhi ng'abazigu tibaidha kumpangula, era ekyo kiidha kundaga nga bw'osiima bye nkola.

Zabbuli 56:1

Wo Katonda wange nsaasira, kuba abantu baanumba; buli kiseera abazigu bange bankiriga.

Zabbuli 7:1

Wo Musengwa Katonda wange niiwe ye neesiga, mponia abankiriga era obalobere okuntuukaku.

Zabbuli 71:1

Wo Musengwa Katonda, niiwe ye neesiga, otandeka kuswala.

Zabbuli 91:2

alikoba Musengwa Katonda ati: “Niiwe onkuuma, niiwe ekifo kyange oky'okwewogomamu. Niiwe Katonda wange ye neesiga.”

Zabbuli 94:3

Wo Musengwa Katonda, ababi balituusa li, bwenebwene balituusa li okweyagala?

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 37:10

“Muje mukobe Hezekia kyabazinga wa Buyudaaya muti, ‘Katonda wo ye weesiga atakulimba ng'akoba ati Yerusalemu tikiidha kugheebwayo mu ngalo dha kyabazinga w'e Assiria.

Isaia 37:20

Wo Musengwa Katonda waife, mpegaano ni tukweghembye tuwonie, otutoole mu ngalo edh'Abassiria. Olwo abantu abamaghanga agandi boonaboona basobole okumanha nga iwe, Musengwa Katonda, niiwe Katonda wenka.”

Isaia 37:35

Ndidha kulwanirira ekibuga kino nkikuume, ku lwange ni ku lw'omugheereza wange Daudi.’ ”

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Ab'e Roma 10:11

Ebyaghandiikibwa bwe bikoba biti: “Kiisi amwikiriza taja kugemwa nsoni”,

Ab'e Roma 5:5

Eisuubi lino tirituswaza, kuba Katonda ayugha okugonza kwe mu myoyo gyaife ku lwa Mwoyo Mutukuvu ye twagheebwa.

1 Petero 2:6

Kuba ebyaghandiikibwa bikoba biti: “Bona, ndi kuta mu Sioni eibaale, eibaale ery'oku nsonda lye nalonda era ery'omughendo einho, era oyo amwikiriza taliswazibwa.”