Zabbuli 25:12 - Baibuli Ekibono kya Katonda 2014

¹² Omuntu oyo atya Musengwa Katonda, Musengwa Katonda alimulagirira engira entuufu okugema.

Zabbuli 25:12 Iomraidhean Croise

Zabbuli 37:23

Musengwa Katonda alabirira obulamu bw'omuntu, era oyo akola Musengwa Katonda by'ayenda, Musengwa Katonda amukuuma.

Zabbuli 32:8

Musengwa Katonda ankoba ati: “Ndidha kukugalagiranga era nkwegerese ensambo ey'okwebisaamu, era ndidha kukulagiriranga nga nkulabirira.

Yoanne 7:17

Kiisi aganha okukola oyo by'ayenda, amanha oba nga bye ndhegeresa byange ku bwange oba biva eri Katonda.

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 16:6

Musengwa Katonda atoola ebibi ku muntu omuwulize era omwesigwa, era yaawonia omuntu amutya, okukola ebibi.

Ensambo 15:33

Okutya Musengwa Katonda kwegeresa omuntu amagezi, era okwewombeeka n'okusooka, memale omuntu baamutaamu ekinhagansi.

Ebikolwa by'Abatume 10:22

Bairamu bati: “Korunelio, omukulu ow'ekikunsu eky'abaisirukale n'atutumye. Omusaadha ono mutuufu, atya Katonda, era Abayudaaya boonaboona bamwogeraku bukalamu. Kale, malaika omutukuvu yamukoba akwete, oje ewuwe, awulire by'oyegeresa.”

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Ensambo 2:5

Olwo olyega okutya Musengwa Katonda, era waamanhira irala Katonda ky'ali.

Ebikolwa by'Abatume 13:26

“Imwe aboluganda baidhukulu ba Aburahamu n'imwe abandi mwenamwena abatya Katonda, obukwenda buno obw'obulokozi bwagheebwa ife.

Ebikolwa by'Abatume 11:14

akukobere ebibono ebinaakulokola iwe n'ab'enhumba yo boonaboona.’

Ebikolwa by'Abatume 10:2

Yali muntu wa idiini era nga mwene n'ab'omu maka ge baisa mu Katonda ekitiisa. Yaghanga abantu obuyambi kamaala era nga talekera kusaba Katonda.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.

Amainhama 26:2

Musengwa Katonda yaabonekera Isaaka, yaakoba ati: “Otaikirira mu Misiri; sigala mu nsi eno, obe ghe nnaakukoba.

Okuvaayo 4:15

Oidha kwogera naye omukobere eby'okukoba, era nze mwene ndiba n'iwe naakugalagira eby'okukoba. Era yeena ndiba naye naamugalagira yeena eby'okukoba era ndibagalagira mwembi eky'okukola.

Yoshua 3:4

Agho mwidha kumanha ghe muja okubita, kuba mubaire timubitangaku eno. Aye mutaseeta kumpi na Sanduuku ya Ndagaano eyo, mulekeghooku eibanga nga lya kilomita namba.”

1 Samueli 9:6

Aye omugheereza yaamwiramu ati: “Bona eno, mu kibuga kino mulimu omuntu wa Katonda abantu ye baisaamu ekitiisa, era kiisi ky'ayogera kituukirira. Ka tuje y'ali, oba katyo anaatukobera eby'olugendo lwaife lwe tuli kutambula.”

Ensambo 2:9

Bw'onaagemanga bye nkoba, olwo olitegeera okukola ebisiimya Katonda, n'okusala mu butuufu n'obutasaliriza. Buli kiseera oidha kumanhanga ekituufu eky'okukola.