Zabbuli 23:6 - Baibuli Ekibono kya Katonda 2014

⁶ Bwenebwene olw'okungonza kwo n'olw'okunsaasira kwo, oidha kubanga ghalala ninze, enaku dhoonadhoona edh'obulamu bwange. Era nga nkaagheeragho tija kuvanga mu ndhu ya Musengwa Katonda.

Zabbuli 23:6 Iomraidhean Croise

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Zabbuli 17:15

Aye nze ndidha kulingiriranga amaiso go, kuba nziraku musango. Buli lwe nnaazuukanga ndidha kubanga musangaavu okukubona nga bw'oli.

Zabbuli 21:4

Yakusaba obulamu waabumugha, waamugha obughangaazi obw'ebyanda n'ebyanda.

Zabbuli 27:4

Ekintu kirala kiti kye nsaba Musengwa Katonda, kye nhenda kiri kirala nti mbenga mu ndhu ya Musengwa Katonda enaku dhoonadhoona edh'obulamu bwange, okulingirira obulungi bwa Musengwa Katonda, n'okumusaba angalagire;

2 Ab'e Korintho 1:10

Oyo eyatuwonia mu kabi akanene akaaga agho ak'okufa era n'alituwonia, era oyo ye tusuubira okutuwonia kabiri.

2 Ab'e Korintho 5:1

Kuba twidhi ng'entindi yaife eno ey'oku nsi ye tulimu, omubiri guno gwe tulimu, bw'erisansulwa, Katonda alitugha endhu mu igulu etawaagho etaazimbwa bantu.

Ab'e Filippi 1:23

Endhuyi dhombi dhimpaluza. Aye nga kye nhenda einho, n'okuva mu bulamu buno nje mbe ni Kurisito, kuba ekyo n'ekisingira irala bukalamu.

2 Timotheo 4:18

Era Musengwa oyo aidha kumponia kiisi kibi kyonakyona, antuuse bukalamu mu Bwakyabazinga bwe obw'omu igulu. Agheebwenga ekitiisa ebyanda n'ebyanda. Amiina.