Zabbuli 23:4 - Baibuli Ekibono kya Katonda 2014

⁴ Era ni bwemba nga ndi kutambulira mu kikonko ekiidhwire enzikiiza etiisa ng'oti kufa, ezira kibi kye ntyamu, kuba iwe oli ninze. Mpulira emiraala bw'oba ng'ogemye omwigo gwo ogunkuuma, era ng'ogemye n'ogwo ogundholeka engira.

Zabbuli 23:4 Iomraidhean Croise

Yobu 24:17

Batya ng'obwire bukyeire, aye ebiba mu nzikiiza tibibatiisa.”

Yobu 3:5

Enzikiiza etiisa einho erutwale. Ekire kiruwembeku endhuba erobe kulwakaku, lwidhule okutya.

Zabbuli 110:2

Musengwa Katonda era abunisa obufuzi bwo woonawoona ng'aviira mu Sioni. Fuga abazigu bo abakwezungulwire.

Zabbuli 118:6

Musengwa Katonda n'omubeezi wange, ghazira kye nsobola kutya. Omuntu obuntu katyo asobola kunkola ki?

Zabbuli 138:7

Nze waire mba ghagati mu bizibu, iwe okuuma obulamu bwange, waalwanisa abazigu bange waabalobera okunkola obubi, wantoola ku bazigu bange olw'obukumu bwo.

Zabbuli 14:5

Aye ni, baidha kuba mu kutya okw'amaani, kuba abatuufu Katonda b'afaaku.

Zabbuli 3:6

Tiitye lukunkumuli lwa bazigu, abagumbye okuneezungulula.

Zabbuli 44:19

Aye otutenteine era waatuleka mu nsolo edh'omu nsiko, mu nzikiiza eri bedimudimu.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Zekaria 11:10

Agho naatoola omwigo gwe natuuma eriina “Nkabi” naagumenhamu, okusazaamu endagaano Musengwa Katonda ye yali akoze n'abantu ab'amaghanga goonagoona.

Zekaria 11:14

Naatoola omwigo ogwokubiri gwe natuuma eriina “Kweyimba”, naagumenhamu okusazaamu okweyimba kwa Buyudaaya ni Isiraeli.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Luka 1:79

Okwakira abo abatyaime mu nzikiiza ni mu kinsense eky'olumbe, n'okutereeza ebigere byaife mu ngira ey'eidembe.”

2 Timotheo 4:22

Musengwa abe n'omwoyo gwo. Enkabi dha Katonda dhibe n'imwe mwenamwena.