Zabbuli 22:5 - Baibuli Ekibono kya Katonda 2014

⁵ Baakulirira era waabalokola; baakwesiga era waabawonia okuswala.

Zabbuli 22:5 Iomraidhean Croise

1 Ebyomubyanda 5:20

Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

Zabbuli 106:44

Aye waire nga beebisa batyo, tiyabatoolaku mwoyo. Bwebaalira yabafaaku.

Zabbuli 31:1

Wo Musengwa Katonda, niiwe ye neesiga otandeka kuswala. Niiwe Katonda ow'obutuufu, nkusaba ondokole.

Zabbuli 71:1

Wo Musengwa Katonda, niiwe ye neesiga, otandeka kuswala.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Yeremia 50:7

Buli abababona babalumba. Abazigu baibwe bakoba bati, ‘Baayonoona eri Musengwa Katonda, kale kye tukoze ti kibi naire. Badhaadha baibwe beesiganga Musengwa Katonda kale beene boona bandibaire bamwesiga!’

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Ab'e Roma 10:11

Ebyaghandiikibwa bwe bikoba biti: “Kiisi amwikiriza taja kugemwa nsoni”,

Ab'e Roma 9:33

nga bwe kyaghandiikibwa kiti: “Bona ndi kuta mu Sioni eibaale eryekontolwaku abantu, olubaale olulibagwisa. Aye kiisi aikiriza oyo taliswazibwa.”

1 Petero 2:6

Kuba ebyaghandiikibwa bikoba biti: “Bona, ndi kuta mu Sioni eibaale, eibaale ery'oku nsonda lye nalonda era ery'omughendo einho, era oyo amwikiriza taliswazibwa.”

Abalamuzi 4:3

Yabini yali n'ebigaali lwenda eby'omu lutalo eby'ekyuma ekigumu einho. Era yafuga Abaisiraeli ng'abatuntuza n'obukambwe, okumala emyaka amakumi abiri. Agho Abaisiraeli baalirira Musengwa Katonda ababeere.

Abalamuzi 6:6

Kale Abaisiraeli baadaazibwadaazibwa inho Abamidia abo.