Zabbuli 21:3 - Baibuli Ekibono kya Katonda 2014

³ Wamuleetera enkabi edhitaloodheka, era waamuvaaza engule eya zaabu omukenenule.

Zabbuli 21:3 Iomraidhean Croise

2 Samueli 12:30

Daudi yaatoola engule ku mutwe gwa kyabazinga waibwe yaagita ku mutwe gwe. Engule eyo yali ya zaabu n'amabaale ag'omughendo, ng'ezitogha kilo ng'oti amakumi asatu na itaanu. Daudi era yaanhaga ebintu kamaala inho mu kibuga.

2 Samueli 2:4

Agho abantu ab'omu kika kya Yuda baidha e Heburoni, baasiiga Daudi omuzigo okumufuula kyabazinga wa Buyudaaya. Daudi bwe baamukobera bati: “Abantu ab'e Yebeshi eky'omu Gileadi n'abaaziika Saulo,”

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

1 Ebyomubyanda 20:2

Daudi oyo yaatoola engule ku mutwe gwa kyabazinga waibwe yaagita ku mutwe gwe. Engule eyo yali ya zaabu n'amabaale ag'omughendo einho, ng'ezitogha kilo ng'oti amakumi asatu na ina. Daudi oyo era yaanhaga ebintu kamaala inho mu kibuga ekyo.

2 Ebyomubyanda 6:41

Wo Musengwa Katonda waife, situkiramu otyame mu kifo kyo, obeemu n'Esanduuku yo ey'Endagaano eyoleka obukumu bwo. Bakabona bo baleetere okukolanga ebituufu buliidho, ekyo kibenga ng'ekivaalo ekitabavaaku; era abo abakutya baleetere okukubanga emizira olw'eisanhu.

Yobu 41:11

Naani eyasooka okumpa, ye nteekwa n'okwiriza? Kiisi ekiri ghansi gh'eigulu kyange.

Zabbuli 18:18

Baanumba ku lunaku lwe nali mu buzibu obutaloodheka, aye Musengwa Katonda yambeera.

Zabbuli 20:5

Olwo tukube emizira ng'oghangwire, era tube mu bikuudhuko olw'obughanguzi obwo, nga tusaaka Musengwa Katonda. Musengwa Katonda akughe by'osaba byonabyona.

Zabbuli 31:19

Bwenebwene ebirungi biri kamaala, by'oterekeire abo abakutya. Abantu boonaboona babona by'okolera abo abakwesiga.

Zabbuli 59:10

Katonda wange olw'okungonza einho, aliidha yambeera, naabona abazigu bange nga baghangwirwa.

Ab'e Roma 11:35

Naani amughangaku ekirabo, memale amwirizeegho?”

Ab'e Roma 2:4

Oba, onhooma ekisa kye ekingi, n'okugema empola kwe, n'okuguminkiriza kwe? Toidhi nga ekisa kya Katonda kikuleetera okwenenia?

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Abaheburayi 2:9

Aye tubona Yesu eyafuulibwa okubaaku ghansi gha bamalaika akaseera, olw'ekisa kya Katonda aghange okufiirira abantu boonaboona. Mperaano tumubona nga yavaazibwa engule ey'ekitiisa era yaagheebwa okutiibwa olw'okufa kwe.

Okwolekebwa 19:12

Amaiso ge gaali gaaka ng'oti muliro, ate ku mutwe gwe nga kuliku engule kamaala. Era ng'aghandiikiibwaku eriina eritamanhiibwa muntu wundi okutoolaku mwene yenka.

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.