Zabbuli 20:8 - Baibuli Ekibono kya Katonda 2014

⁸ Abo balitondoka baagwa ere, aye ife tulisituka twayemerera nga tuli bagumu.

Zabbuli 20:8 Iomraidhean Croise

2 Bakyabazinga 19:23

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era n'otemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

2 Ebyomubyanda 14:10

Asa yaaja okumulwanisa. Endhuyi dhombi dhaasimbya abalwani baadho enhiriri mu kiiko ky'e Zefatha okumpi n'e Maresha, baalingagana nga beetegeike okulwana.

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

Ezera 8:22

Ensoni dhangema okusaba kyabazinga atughe ekikunsu eky'abaisirukale ab'oku bigere n'ab'oku mbalaasi okutugherekera nga batukuuma tuwone abazigu mu ngira, kuba nali mmaze okumukoba nti: “Katonda waife agha enkabi kiisi amwesiga, aye yaasungughalira era yaabonereza kiisi amuvaaku.”

Zabbuli 124:8

Musengwa Katonda n'atubeera, oyo eyakola eigulu n'ensi.

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 33:16

Kyabazinga okuba n'eigye ery'amaani ti n'ekimuwonia okughangulwa, ate omulwani okuba n'amaani kamaala ti n'ekimuleetera okughangula.

Zabbuli 33:17

Ole aba yeerimba bw'asuubira okughangula olutalo n'embalaasi; amaani gaayo amangi tigasobola kumuwonia.

Ensambo 21:31

Abantu basobola okutegeka embalaasi okulwana olutalo, aye Musengwa Katonda n'agaba obughanguzi.

Hosea 14:4

Musengwa Katonda akoba ati: “Ndiiza abantu bange ye ndi, naabagonzanga n'omwoyo gwange gwonagwona; kuba ndekeire okubasungughalira.

Mika 7:8

Abazigu baife, mulobe kutusekerera mbu kuba tugwire. Tuja kusituka! Waire tuli mu nzikiiza buti, Musengwa Katonda aidha kutugha obutangaavu.

Yoshua 11:4

Baidha n'amagye gaibwe goonagoona, baaba abalwani kamaala inho, nga bali ng'oti musenho gwa ku nhandha. Baaba n'embalaasi n'ebigaali eby'omu lutalo kamaala.

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.

1 Samueli 17:45

Daudi yaakoba Omufilisiti ati: “Iwe oli kwidha ye ndi n'empiima, n'eifumo einene ghalala n'eifumo eitono, aye nze ndi kwidha mu liina lya Musengwa Katonda Afuga Amagye, era Katonda ow'amagye ga Isiraeli, g'osoononkereiza.