Zabbuli 2:4 - Baibuli Ekibono kya Katonda 2014

⁴ Musengwa Katonda ali ku kityamo kye eky'obwakyabazinga mu igulu, abasekerera era anhooma entegeka dhaibwe edh'ekidoofu.

Zabbuli 2:4 Iomraidhean Croise

2 Bakyabazinga 19:21

Era bino Musengwa Katonda oyo by'akoba ku kyabazinga Sennakeribu oyo: “Ekibuga Sioni kikunhoomye, kyakusekerera iwe Sennakeribu; era ekibuga ekyo Yerusalemu kikukongoire.

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 115:3

Ife Katonda owaife ali mu igulu era ky'ayenda ky'akola.

Zabbuli 123:1

Wo Musengwa Katonda, ningiriire ku iwe eyo mu igulu, y'oli ku kityamo eky'obwakyabazinga.

Zabbuli 37:13

Aye Musengwa Katonda asekerera omubi, kuba aidhi ati olunaku lwe tiruli ghala.

Zabbuli 53:5

Aye ni, baidha kuba mu kutya okubitirivu, okutya kwe batabangamuuku mu bulamu bwaibwe. Katonda aidha kusuulasuula eyo atyo amagumba g'abazigu b'abantu be, abafuudhe ere, baswale.

Zabbuli 59:8

Aye iwe Musengwa Katonda obasekerera busekerere; abantu boonaboona abatakutya obakongoola bukongoole.

Zabbuli 59:9

Niiwe amaani gange, niiwe ye ningiriireku, kuba iwe Katonda wange, niiwe ye neesiga.

Zabbuli 68:33

oyo aseeyeeya ku igulu, eigulu eryaligho okuva eira n'eira. Wulira bw'akaabuka n'amamiro ag'amaani.

Ensambo 1:26

Mbeeni, lwemuliba mu buzibu obutaloodheka, zeena nja kubasekerera busekerere; ebitiisa bwe biribaidhira nja kubayeeyereza buyeeyereze.

Isaia 40:22

Kale ni bwenebwene Katonda oyo n'atyama ghaigulu gh'ensi eneetooloovu. Abantu abagibaaku baboneka nga batini ng'oti masisi. Katonda oyo yabambagho eigulu ng'oti lutimbe, yaalyandhuluza ng'oti weema ya kubaamu.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?