Zabbuli 19:8 - Baibuli Ekibono kya Katonda 2014

⁸ Ebiragiro bya Musengwa Katonda bituufu, bisangaaza abo ababigondera; amateeka ga Musengwa Katonda matukuvu, gazibula amaiso.

Zabbuli 19:8 Iomraidhean Croise

Amainhama 26:5

kuba Aburahamu yawulira bye namusikiriranga, era yaagondera amateeka gange goonagoona n'ebiragiro byange.”

2 Bakyabazinga 17:37

Mutenga inho omwoyo era mugemenga buliidho amateeka goonagoona n'ebiragiro bye nabaghandiikira. Mutasinzanga bakatonda bandi,

Nehemia 8:12

Agho abantu boonaboona baagolola ewaibwe, baalya, baanhwa, era baagabiraku n'abo abazira ghe batoola. Baaba mu kusagamba okw'amaani olw'okuba baategeera ebibono bye baabakoba.

Nehemia 9:13

Wava mu igulu waika ku lusozi Sinai, waayogera nabo, waabagha endhegeresa entuufu, ey'amateeka n'ebiragiro eby'amazima.

Zabbuli 105:45

ng'ayenda abantu be abo bagonderenga amateeka ge, era bajiirenga ku biragiro bye. Mwenamwena musaake Musengwa Katonda.

Zabbuli 111:7

Mu byonabyona by'akola yesigika era wa mazima; ebiragiro bye biziramu buguya,

Zabbuli 119:105

Ekibono kyo n'eitaala eriimuliikirira ghe mbita, ni mbona engira.

Zabbuli 119:12

Wo Musengwa Katonda, nkusaaka ndhegeresa okukola by'olagira.

Zabbuli 119:121

Nze nkola ebikalamu era ebituufu; otandekulira agho mu ngalo edh'abazigu bange.

Zabbuli 119:128

Kyenva neesibirira ku kujiira ku ebyo by'olagira; ni nkyagha empisa embi dhoonadhoona.

Zabbuli 119:130

Omuntu bw'ainhonholwa ebibono byo afunamu obutangaavu n'ole azira magezi yaafunamu amagezi.

Zabbuli 119:14

Wo Musengwa Katonda, mba musangaavu okukola iwe by'onkoba, okusinga okuba omukombe einho.

Zabbuli 119:143

Ebizibu n'obweraliikirivu ndi na kamaala, aye okugema ebiragiro byo kunsangaaza.

Zabbuli 119:16

Ndidha kubanga musangaavu okukola iwe by'olagira, era tyerabirenga kibono ky'onkobye.

Zabbuli 119:171

Ndidha kukusaakanga buli kaakyeire, kuba niiwe ondhegeresa amateeka go.

Zabbuli 119:24

Mba musangaavu okukola nga bw'onkoba, kuba by'onkoba n'ebimpa amagezi.

Zabbuli 119:40

Bona, neegomba inho amateeka go; mpa obulamu olw'obutuufu bwo.

Zabbuli 119:54

Ebiragiro byo n'ebimpa amaani, nga ndi ku nsi kuno ng'omugeni omugenze.

Zabbuli 119:80

Nkusaba ombeere okugema ebiragiro byo n'omwoyo gwange gwonagwona, ndobe kuswala.

Zabbuli 119:92

Nguli amateeka go ti n'agandeetera okuba omusangaavu, nandibaire nga nazikirira bwe nadaazibwadaazibwa.

Zabbuli 12:6

Ebisuubizo bya Musengwa Katonda byesigika ng'oti ni feeza alongooseibwa, ng'abisibwa mu muliro emikuzi omusanvu.

Zabbuli 13:3

Wo Musengwa Katonda wange, mbeera otansiriikirira, ndhiriza amaani gange ndobe kufa.

Zabbuli 40:8

Wo Katonda wange, nhenda inho okukola by'oyenda, era amateeka go gandi ku mwoyo.”

Zabbuli 93:5

Wo Musengwa Katonda, amateeka go geesigika era bwenebwene esinzizo lyo itukuvu ebyanda n'ebyanda.

Okuvaayo 18:16

Bwe ghabaagho abali n'obutaisania baidha ye ndi naabakobera ku bombi omutuufu n'omukyamu, nga mbakobera amateeka ga Katonda n'ebiragiro bye.”

Ensambo 2:6

Musengwa Katonda n'agha abantu amagezi; era mu by'akoba n'omuva okumanha n'okutegeera.

Ensambo 30:5

Kiisi Katonda ky'akoba kiba kituufu, era Katonda oyo aba ngabo eri abo abamweyuna okubawonia.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Isaia 64:5

Osangaalira abo abasanhukira okukola ebituufu, ni baidhukira okwebisa nga bw'oyenda. Iwe watusungughalira, aye ife tweyongera bweyongere kukola bibi. Era kuva ira nga tuli mu kukola bibi okwo. Aye oba tulibiwona?

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Ezekieli 36:27

Ndibataamu omwoyo ogwange, naabaleetera okujiira ku mateeka gange, nga mukola bye mbalagira.

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Ab'e Roma 7:22

Mu mwoyo gwange nsangaalira eiteeka lya Katonda.

Ab'e Roma 7:7

Kale tukobe tutya? Tukobe tuti Amateeka kibi? Busa naire, kuba Amateeka n'agaamanhisa ekibi. Tyandimanhie ng'okwegomba kubi, ngoli Amateeka tigaakoba gati: “Tiweegombanga.”

Ab'e Galatia 2:19

Kuba nze, mu Mateeka ntwalibwa nga ndi mufu, nga ndhitibwa Amateeka olwo mbe omulamu eri Katonda. Naitirwa ghalala ni Kurisito ku musalaba gwe,

Ab'e Galatia 3:21

Tukobe tuti Amateeka gakontana n'ebisuubizo bya Katonda? Busa naire. Kuba nguli abantu baagheebwa Amateeka agasobola okuleeta obulamu, nguli mu kutuukiriza bye galagira n'omuva obutuukirivu.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Amateeka Agokubiri 16:14

Mu kibinuko ekyo, mwidha kusagambiranga ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi, n'abasenze, ni bamulekwa, ni banamwandu abali mu bibuga byaimwe.