Zabbuli 19:11 - Baibuli Ekibono kya Katonda 2014

¹¹ Ate era mu kusala omusango okwa iwe Musengwa Katonda, ole akugondera mw'alabulirwa, n'ole akwekuuma mw'afunira empeera enene.

Zabbuli 19:11 Iomraidhean Croise

2 Ebyomubyanda 19:10

Baganda baimwe ababa mu bibuga ebindi bwe banaabaleeteranga emisango, ka gibe egy'obutemo, oba egy'okumenha amateeka n'ebiragiro, oba egy'obutatuukiriza byonabyona ebibalagirwa, mubagalagirenga balobe kwonoona ye Musengwa Katonda. Bwemutaakolenga mutyo, tomanha Musengwa Katonda bw'abasungughalira imwe ghalala ni baganda baimwe abo. Kale ni mukolenga mutyo, mulobenga kubaaku musango.

Zabbuli 119:103

By'ondhegeresa bidhuudhuula, bwene byasinga n'omudheenene ogw'endhuki!

Zabbuli 119:11

By'onkoba mbita ku mwoyo buliidho, ndobe kwonoona y'oli.

Zabbuli 119:72

Amateeka ge watugha ga mughendo ye ndi okusinga emungo ya feeza ni zaabu.

Ensambo 11:18

Omukozi w'ebibi yeerimba ati katyo anaabifunamu empeera emugasa, aye ate omuntu omutuufu n'afuna empeera yeene egasa.

Ensambo 24:14

manha oti n'amagezi goona gatyo bwe gali amalungi y'oli. Bw'ogafuna, obulamu bwo obw'omu maiso, bwidha kubanga bukalamu, n'ebyo by'osuubira birobenga kukufa busa.

Ensambo 29:18

Bwe ghabula okugalaga okuva ye Katonda abantu bataamuuka eyo batyo, aye wa nkabi oyo ajiira ku mateeka ga Katonda.

Ezekieli 3:3

Era yankoba ati: “Iwe omuntu, lya enzingo ey'ekitabo eyo ye nkughaire ekutuuke mu nda ekwigute.” Agho naagirya era mule mu kanwa yaadhuudhuula ng'oti mudheenene gwa ndhuki.

Matayo 3:7

Bwe yabona Abafarisaayo kamaala n'Abasaddukaayo nga baidha y'ali okubatizibwa, yaabakoba ati: “Imwe eizaire ery'emisota naani eyabalabula okulumuka ekibonerezo ekiri kwidha?

Matayo 6:18

olobe kuboneka mu bantu ng'osiiba, aye Lata wo ali mu ngiso n'abe akubone oyo Lata wo abona eby'ekyama alikugha empeera.

Matayo 6:4

Kityo ni ky'ogabye kyaba kya kyama era Lata wo abona eby'ekyama alikugha empeera.

Matayo 6:6

Aye iwe bw'obanga ng'osaba, ongiranga mu kisenge kyo waigalagho olwigi, memale ni waasaba Lata wo oyo ataboneka. Era Lata wo oyo abona eby'ekyama alikugha empeera.

Ebikolwa by'Abatume 20:31

Kale ni mwekuume era mwidhukire nga namala emyaka esatu nga tiyosa omusana n'obwire okubalabula, kiisi mulala mu imwe nga bwe ndira n'amaziga.

1 Ab'e Korintho 4:14

Bino mbighandiise ti lwa kwenda kubaswaza, aye lwa kwenda kubeegeresa ng'abaana bange abagonzi.

1 Ab'e Thessalonika 5:14

Aboluganda, tubakubiriza okulabulanga abagayaavu, mugumyenga abatali bagumu mu myoyo, mubeerenga abanafu, era muguminkirizenga abantu boonaboona.

Abaheburayi 11:26

Yabona nga okuvumwa olwa Kurisito kya mughendo inho okusinga obukombe bw'e Misiri, kuba yalowoozanga ku mpeera ye yali aja okugheebwa.

Yakobo 1:25

Aye oyo eyeekalirisa amateeka amatuufu agaleetera abantu eidembe, era n'ageekalanguliraku nga tawulira buwulire ni yeerabira, aye ng'akola bye gakoba, omuntu oyo anaabanga wa nkabi mu buli ky'akola.

2 Yoanne 1:8

Mwekuume, mulobe kusubwa ekyo kye mwakolerera, aye mufune empeera yaimwe mu bwidhuvu.

Okwolekebwa 14:13

Naawulira amamiro agava mu igulu nga gakoba gati: Ghandiika oti: “Okuva ni buti ba nkabi abafu abafiira mu Musengwa! Mwoyo akoba ati: Bwenebwene ba nkabi! Okuva ni buti bawuumwire mu kutakabana kwaibwe, kuba ebikolwa byaibwe bibanonereza.”