Zabbuli 18:43 - Baibuli Ekibono kya Katonda 2014

⁴³ Wamponia abantu abadheemu, wanfuula omufuzi ow'amaghanga kamaala, abantu be nali tiidhi waabafuula bagheereza bange.

Zabbuli 18:43 Iomraidhean Croise

2 Samueli 19:9

Ghaidhagho okukaayana mu bika byonabyona ebya Isiraeli, ng'abantu bakoba bati: “Kyabazinga Daudi yatuwonianga abazigu baife, yaatuwonia n'Abafilisiti. Aye buti yalumuka Abusalomu, yaava mu nsi ye.

2 Samueli 3:1

Okuva olwo, okulwanagana ghagati gh'abantu ab'oku luuyi olwa Saulo n'abantu ab'oku luuyi olwa Daudi, kwaja nga kubaagho. Oluuyi olwa Daudi lwaja nga lweyongera amaani, ate oluuyi olwa Saulo lwaja nga lweyongera okunafugha.

Zabbuli 108:9

Ensi Moabu n'ekyogero kyange ate mu Edomu mwe ndisuula engaito dhange okwoleka nga bwekiri ekyange. Buti nkuba emizira olw'okuba mpangwire ab'e Filisitia.”

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 52:15

Atyo bw'alyewuunhisa amaghanga kamaala, bakyabazinga baabulwa eky'okwogera; kuba balibona ekitabakoberwangaku era baategeera kye batawulirangaku.”

Isaia 55:5

Ekiseera kirituuka mwayeta amaghanga ge mutaidhiiku naire, gaalumuka gaidha ye muli waire nga goona imwe tigabaidhi. Nze Musengwa Katonda waimwe, Omutukuvu wa Isiraeli, ninze ndireetera ekyo okubaagho, olw'okubagheesa imwe ekitiisa.”

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Ebikolwa by'Abatume 5:31

Katonda yamuta ku luuyi olw'omukono gwe omusaadha yaamufuula omufuzi era omununuzi, okusobozesa Abaisiraeli okwenenia basoniyibwe ebibi byaibwe.

Ab'e Roma 15:12

Era ni Isaia akoba ati: “Mwidhukulu wa Yesse aliidha, baamutaagho okufuga abamaghanga agandi. Era mu oyo eisuubi lyaibwe mwe liriba.”

Ab'e Roma 15:18

Ndidha kuguma ndhogere ku ebyo byonka Kurisito bye yankolera okusobozesa abamaghanga agandi okugondera Katonda. Yakozesa ebibono byange n'ebikolwa byange

Ab'e Roma 16:26

Aye buti ekyama ekyo kimanhisiibwa mu Byaghandiikibwa abalanzi. Katonda atawaagho yalagira kimanhibwe amaghanga goonagoona, abantu baghange okwikiriza Katonda era n'okumugonderanga.

Ab'Efeso 1:22

Katonda yata ebintu byonabyona mu bufuzi bwa Kurisito, yaamufuula omutwe ogw'ekikunsu eky'abamwikiriza mu byonabyona.

1 Petero 2:10

Eira timwali bantu ba Katonda, aye buti muli bantu be. Eira mwali timusaasirwa Katonda, aye buti musaasirwa.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”