Zabbuli 18:3 - Baibuli Ekibono kya Katonda 2014

³ Ndirira Musengwa Katonda okumbeera, era yaidha yamponia abazigu bange Agwaniire okusaakibwanga.

Zabbuli 18:3 Iomraidhean Croise

2 Samueli 22:4

Ndirira Musengwa Katonda okumbeera, yamponia abazigu bange, era agwaniire okusaakibwanga.

Nehemia 9:5

Agho Abalevi bano: Yeshua, Kadimieli, Bani, Hashabuneia, Hodia, Shebania, ni Pethahia, baakoba abantu bati: “Mwemerere musaake Musengwa Katonda waimwe; mumusaakenga ebyanda n'ebyanda. Eriina lye ery'ekitiisa lisaakibwenga, eriswikiriire okusaaka okw'abantu kwonakwona.”

Zabbuli 144:1

Musengwa Katonda asaakibwe, oyo ankuuma n'andhegeresa okulwana entalo.

Zabbuli 145:3

Musengwa Katonda mukologho, era ni yenka agwaine okusinzibwa; ghazira muntu ategeera bukalamu bukologho bwe.

Zabbuli 3:4

Ndheta Musengwa Katonda n'amaani goonagoona, yeena yanvugira ng'ali ku lusozi lwe olutukuvu.

Zabbuli 31:4

Mbisa aghalungi ndobe kugwa mu lutuula lwe banteze, kuba niiwe ye neesiga.

Zabbuli 48:1

Musengwa Katonda mukologho, era ni yenka agwaine okusinzibwa mu kibuga kya Katonda waife, ku lusozi lwe olutukuvu.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 55:16

Aye nze nsaba Katonda, era Musengwa Katonda oyo aidha kundokola.

Zabbuli 62:3

Imwe, mulirekera li okulumba omuntu nga mwenda okumutemula, waire ng'omuntu oyo munafu ng'oti n'ekimante ekyeghendheike, era ng'oti n'olukomera oluja okugwa?

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Zabbuli 71:3

Nfuukira olubaale olw'okwewogomamu, era ombeere ekimante ekigumu ekineezungulwire eky'okumponia; kuba oli ng'oti lubaale era ng'oti kimante kigumu mwe neewogoma.

Zabbuli 76:4

Ekitiisa kye kimesunkana, era atambula ng'akaadha, bw'aba ng'ava mu nsozi ye yaghangulira abazigu be.

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Zabbuli 91:2

alikoba Musengwa Katonda ati: “Niiwe onkuuma, niiwe ekifo kyange oky'okwewogomamu. Niiwe Katonda wange ye neesiga.”

Zabbuli 96:4

Musengwa Katonda mukologho era ni yenka agwaine okusinzibwa. Oyo n'ali n'okutiibwa okusinga bakatonda ab'amaghanga agandi boonaboona;

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Luka 1:71

ati aidha kutuwonia abazigu baife, era atuwonie n'omukono ogw'abatukyagha.

Ebikolwa by'Abatume 2:21

Era buli alyeta eriina lya Musengwa alirokolwa.’

Okwolekebwa 4:11

“Musengwa era Katonda waife, ogwaniire okugheebwa ekitiisa, okusaakibwa, era n'obukumu. Kuba niiwe watonda ebintu byonabyona, byatondebwa era byabaagho olw'okwenda kwo.”