Zabbuli 18:2 - Baibuli Ekibono kya Katonda 2014

² Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 18:2 Iomraidhean Croise

2 Samueli 22:3

Musengwa Katonda ni Katonda wange, n'olubaale lwe numukiramu okwewonia, era n'engabo mwe neewoma; n'omulwanirizi wange amponia byonabyona. Musengwa Katonda n'obulumukiro bwange, era n'ekifo kyange eky'okwewogomamu, oyo n'amponia abakambwe.

Zabbuli 116:1

Nze ngonza Musengwa Katonda olw'okuba awulira amamiro gange nga ndi kumweghemba.

Zabbuli 132:17

Omwo mwe nditoola kyabazinga, nga wa ku nda ya Daudi; omulonde wange oyo afugenga nga ninze mmukuuma.

Zabbuli 144:2

Oyo n'ankuuma, era ow'amaani anwanirira n'andokola. Oyo n'amponia ng'oti ngabo mu lutalo, era oyo n'obulumukiro bwange. Oyo n'aghangula amaghanga, yaagampa naagafuga.

Zabbuli 19:14

Nkusaba osiime bye ndhogera era osiime n'ebidhuubo ebindi ku mwoyo. Wo Musengwa Katonda, niiwe olubaale mwe neegisa, era niiwe omulwanirizi wange!

Zabbuli 28:1

Wo Musengwa Katonda, iwe olubaale mwe neewogoma, nze ndi kukulirira: otaloba kumpulira. Bw'onsiriikirira ndidha kuba ng'oti n'abo abaaja e magombe.

Zabbuli 59:11

Wo Katonda wange, otabaita, kuba tiikulwa ng'abantu bange beerabira. Aye kozesa obukumu bwo obasansaanie era obasuule ghansi, iwe Musengwa Katonda engabo yaife.

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 62:7

Katonda yenka n'amponia era yampa ekitiibwa; oyo n'omukuumi wange, ali ng'eibaale eikologho.

Zabbuli 75:10

Amaani ag'ababi goonagoona aligazikiriza, ate amaani ag'abatuufu aligongeraku obungi.

Zabbuli 91:2

alikoba Musengwa Katonda ati: “Niiwe onkuuma, niiwe ekifo kyange oky'okwewogomamu. Niiwe Katonda wange ye neesiga.”

Zabbuli 91:4

Aidha kukughembaku n'amaghagha ge ghabulenga ekikutuukaku, akukuumenga olw'obwesigwa bwe ng'akulwanirira.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Ensambo 2:7

Agha abantu be abeesimbu amagezi agabayamba; era yaaba ngabo eri abo abeesigwa y'ali okubawonia.

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Abaheburayi 2:13

Era akoba ati: “Ndidha kwesiganga Katonda.” Era yeeyongera yaakoba ati: “Ndi ghano, n'abaana Katonda be yampa.”