Zabbuli 18:15 - Baibuli Ekibono kya Katonda 2014

¹⁵ Iwe Musengwa Katonda bwe wabakaabukira n'empiriito ey'omuuka ogw'omu nhindo yo n'ewulirwa, emisingi egy'ensi gyayerulwa, n'entobo y'enhandha yaaboneka.

Zabbuli 18:15 Iomraidhean Croise

2 Samueli 22:16

Musengwa Katonda bwe yabakaabukira, n'empiriito ey'omuuka ogw'omu nhindo dhe n'ewulirwa, emisingi egy'ensi gyayerulwa, n'entobo y'enhandha yaaboneka.

2 Bakyabazinga 19:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

Yobu 36:32

Agema olukuba mu ngalo dhe, yaalulagira okukuba gheenegheene gh'ayenda.

Yobu 4:9

Katonda abafuuwa omuuka ogw'obusungu bwe oguli ng'oti kiwunga, yaabazikiriza.

Zabbuli 104:5

Wataagho ensi ku misingi gyayo, yaaba nga tesobola kuseetuka.

Zabbuli 106:9

Yakaabukira Enhandha Emyufu yaakala; yaasomosa abantu be okubita ku ntobo y'enhandha ng'ekaze ng'oti irungu.

Zabbuli 144:6

Myansa olukuba obasansaanie; olase obulaso bwo obabinge.

Zabbuli 74:15

Wayatisa entanda mwavaamu enhindo dh'ensulo n'obwiga; ate waakaliiza emiiga egitakaliirangaku.

Zabbuli 76:6

Bwe wabakaabukira iwe Katonda wa Yakobo, embalaasi dhaagwa, n'abavuzi baadho baagwa ghansi, baafa.

Zabbuli 77:18

Olukuba lwo lwatyabuka mu kiwunga nga luvuga ng'oti nkede ya kigaali, okumyansa kwamulisa ensi yoonayoona, ensi yaatengeeta era yeesunda.

Zabbuli 92:10

Aye nze ompaire amaani ng'oti ga mbogo nume, wansiiga omuzigo.

Okuvaayo 15:8

Wafuuwa omuuka okuva mu nhindo yo amaadhi geebunga emungo, amaadhi amangi gaayemerera ng'oti kimante; amaadhi ag'oku ntobo ey'enhandha geegema, gaakalanguka ng'oti ibaale.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Yeremia 31:37

Nga bwekitasoboka muntu kupima igulu ghaigulu eyo, waire okuja ni yeekebeedha emisingi egy'ensi eyo ghansi, era kityo bwekitasoboka Musengwa Katonda okulekulira agho Abaisiraeli, waire nga baakola ebibi kamaala. Musengwa Katonda mwene n'akobye.

Yona 2:6

Nagwa eyo ensozi ye dhisimuka, endhigi ye dhiigalwa ni dhitaigulwa ebyanda n'ebyanda. Aye iwe Musengwa Katonda wange wantoolayo nga ndi mulamu.

Mika 6:2

Imwe ensozi n'imwe emisingi egy'ensi egy'olubeerera, muwulirise omusango gwa Musengwa Katonda. Musengwa Katonda ali n'omusango gw'aghaghabira abantu be. Aja kulumiriza Abaisiraeli.

Zekaria 9:14

Agho Musengwa Katonda alibonekera ghaigulu gh'abantu be, era yaalasa obusaale bwe bwaja ng'oti kumyansa kwa lukuba. Musengwa Katonda oyo alifuuwa eigwala, memale yaakumbira mu mpewo eyeezungulula n'amaani, eva ku luuyi olw'omukono omusaadha olw'e buvandhuba.

1 Samueli 7:10

Samueli bweyali ali kughaayo ekigheebwayo ekyokebwa, Abafilisiti baaseeta nga benda okulumba Abaisiraeli. Aye ku lunaku olwo, Musengwa Katonda yaakaabukira Abafilisiti n'amamiro ag'amaani ng'oti kutyabuka kwa lukuba. Abafilisiti baatabulwatabulwa olw'okutya, era baalumuka Abaisiraeli.