Zabbuli 18:13 - Baibuli Ekibono kya Katonda 2014

¹³ Musengwa Katonda yaatyabuka oti lukuba mu igulu, oyo Ali Ghaigulu Yeene yaayogera n'amamiro ge, nga gali ng'oti n'omugozi era ng'oti n'omuliro ogw'amanda.

Zabbuli 18:13 Iomraidhean Croise

Yobu 40:9

Iwe oyaga ninze amaani? Era osobola okutyabuka n'amamiro agali ng'oti n'agange?

Zabbuli 104:7

Bwe wagakaabukira gaalumukagho; bwegaawulira amamiro go ng'oli kutyabuka gaaswankukagho.

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 140:10

Omuliro ogw'amanda ka gubamagalikeku gubasiriize, basuulibwe mu biina eyo ye batasobola kuva.

Zabbuli 78:48

Yaita ente dhaibwe n'omugozi yaita n'ebyayo byaibwe ebindi n'olukuba.

Okuvaayo 20:18

Abantu boonaboona bwe baawulira okutyabuka okw'olukuba n'okuvuga okw'endeka, ni babona n'okumyansa okw'olukuba, n'olusozi nga luli kunioka omwosi, baatya inho baadhugumira era baayemerera ere ghalaku.

Okuvaayo 9:24

Omugozi gwagwa, okumyansa kwayaka ng'oti muliro ghagati mu mugozi obutazikira, era omugozi gwaba mungi inho ogutagwangaku mu Misiri kasookanga ebaagho.

Ezekieli 10:5

Omuvuuma ogw'amaghagha ga bikerubi gwawulirwa n'ere mu luya olw'okuliya, nga guli ng'oti n'amamiro ga Katonda Aghanga Ebintu Byonabyona bwe gawulirwa, bw'aba ng'ayogeire.

Habakkuku 3:5

Asindika obulwaire bwamukulembera, yaalagira okufa kwamunonereza.

Yoanne 12:29

Eikuukuubira ery'abaali beemereire agho bwe lyawulira lyakoba liti: “Lukuba n'oluli kutyabuka.” Abandi baakoba bati: “Malaika n'ayogeire naye.”

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.

Yoshua 10:11

Abamori bwe baali nga bali kulumuka Abaisiraeli, nga bagemye engira eyo ebita ku lusozi Bethi Horoni, Musengwa Katonda yaabasuulaku amabaale ag'omugozi amakologho nga gava mu igulu. Gaaja nga gabamagalikaku okutuukira irala e Azeka, era gaabaita. Abaafa amabaale ago baawula abo Abaisiraeli be baita n'empiima.

Okwolekebwa 19:6

Agho naawulira ekyali ng'oti mamiro ag'abantu olukunkumuli, oba ng'oti mpiriito ya maadhi, oba ng'oti kutyabuka kwa lukuba okw'amaani. Eiroboozi lyakoba liti: “Musaake Katonda, kuba Musengwa Katonda waife Aghanga Ebintu Byonabyona, n'afuga.

Okwolekebwa 4:5

Ku kityamo eky'obwakyabazinga ekyo nga kuvaaku okumyansa okw'eigulu, okududumuka, n'okutyabuka okw'olukuba. Emberi waakyo nga ghaligho ebisiki ebiri kwaka, era nga bino n'emyoyo omusanvu egya Katonda.

Okwolekebwa 8:5

Malaika oyo yaatoola ekiniokezebwaku obubbaani ekyo, yaakiidhuza omuliro ng'agutoola ku alutaari, yaakisuula ku nsi. Agho ghaabaagho okutyabuka okw'olukuba, okududumuka, okumyansa okw'eigulu, n'ensi okutengeeta.

1 Samueli 7:10

Samueli bweyali ali kughaayo ekigheebwayo ekyokebwa, Abafilisiti baaseeta nga benda okulumba Abaisiraeli. Aye ku lunaku olwo, Musengwa Katonda yaakaabukira Abafilisiti n'amamiro ag'amaani ng'oti kutyabuka kwa lukuba. Abafilisiti baatabulwatabulwa olw'okutya, era baalumuka Abaisiraeli.