Zabbuli 17:3 - Baibuli Ekibono kya Katonda 2014

³ Oidhi omwoyo gwange, oidha waagukyalira obwire, waaneekebeedha wankenenula, aye ghaabula ekibi ky'ondhagaanamu. Tyogera bya buguya

Zabbuli 17:3 Iomraidhean Croise

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

Yobu 23:10

Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Yobu 24:14

Omutemo azuuka mu nzikiiza, yaita omwavu n'omughafu, era obwire aba mwibi.

Zabbuli 11:5

Musengwa Katonda yeekebeedha abatuufu n'abakozi b'ebibi, era tayendera irala abo abagonza ebikolwa eby'obukambwe.

Zabbuli 119:106

Neeyamye era tija kwerabira okujiiranga ku nsala yo entuufu eziramu kwekubira.

Zabbuli 139:1

Wo Musengwa Katonda, waneekalirisa era wantegeera.

Zabbuli 139:23

Wo Katonda wange, neekalirisa otegeere omwoyo gwange, era ondebe omanhe ebidhuubo byange.

Zabbuli 16:7

Nsaaka Musengwa Katonda kuba angalagira, era ni mu bwire ghagati omwoyo gunkobera.

Zabbuli 26:2

Wo Musengwa Katonda, neekebeedha era ondebe; lingirira omwoyo gwange n'ebidhuubo byange,

Zabbuli 39:1

Nakoba nti: “Ndidha kwegenderezanga mu bye nkola, ndobe kuganha lulimi lwange kunsuula mu kibi. Omunwa gwange ndidha kugutangaku kuufulu, kasita ghanaabangagho abakozi b'ebibi.”

Zabbuli 66:10

Iwe Katonda waife, watugezesa, waatwekebeedha ng'oti ni feeza bw'alongoosebwa.

Ensambo 13:3

Omuntu afuga omunwa gwe akuuma obulamu bwe, aye ole ayogerayogera eyo atyo yeezikiriza mwene.

Yeremia 12:3

Wo Musengwa Katonda, aye iwe nze ondidhi bukalamu, oneekebeedha wambona nga bwe nfaanana. Kwekwebya abantu ababi abo obatoolegho, ng'oti n'omuntu bw'atwala entaama edh'okwita. Era obakuume okutuusa ng'ekiseera kyaibwe eky'okwitibwa kituuse.

Yeremia 50:20

Ekiseera ekyo bwe kirituuka, tighaliba kwonoona mu Isiraeli, waire okubaagho ebibi mu Buyudaaya kuba ndisonigha abantu boonaboona be ndiba mponiizaagho. Nze Musengwa Katonda, ninze nkobye.”

Hosea 7:6

Bookya ng'oti muliro mu ziiko, nga benda okukola akabi. Obusungu bwaibwe bunioka obwire bwonabwona, ku nkyo bwatumbuka ng'oti muliro.

Mika 2:1

Bakagwireku abantu abo ababa mu buliri bwaibwe ni bakyesa obwire nga bayiiya ebibi bye banaakola. Era obwire olukya buti nga bakola nga bwe baba bayiiyiiza.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Malaki 3:2

Aye naani alisobola okugumira olunaku olwo lw'aliidhiraku? Era bw'aliboneka, naani alisobola okusigalagho ng'akaali mulamu? Ali ng'oti ni saabbuuni atumbeera einho, era ng'oti n'omuliro ogukenenula ebyuma.

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ebikolwa by'Abatume 16:9

Obwire Paulo yaabonekerwa. Yaabona omuntu ow'omu Makedonia ng'ayemereire nga amweghemba ati: “Somoka e Makedonia otubeere.”

1 Ab'e Korintho 4:4

Nze tiidhi ng'eriyo ekibi kye naali nkoze, aye ekyo tikitegeeza nti nziraku musango. Musengwa n'asalagho.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.

1 Samueli 24:10

Olwaleero weeboneireku n'amaiso go geene, nga Musengwa Katonda abaire okutaire mu ngalo dhange ng'oli mu mpuku. Abandi bankobye nkwite, aye nze naaloba, nga nkoba nti, ‘Tiidha kugalula mukono kwita musengwa wange kyabazinga, kuba n'oyo Musengwa Katonda ye yasiiga omuzigo.’

1 Samueli 24:12

Musengwa Katonda n'abe asale omusango ghagati ghange n'iwe, era n'abe akwesasuulizeeku olw'ebyo by'onkola, aye nze ku lwange nzira kibi kye ndidha kukukola.

1 Samueli 26:11

Tikiribaagho nze okukola akabi ku muntu Musengwa Katonda ye yasiiga omuzigo! Aye toola eifumo eryo gha mutwe gwe, n'ekidoome eky'amaadhi, ife tuje.”

1 Samueli 26:23

Musengwa Katonda asasula buli muntu olw'obutuufu bwe n'obwesigwa bwe. Olwaleero Musengwa Katonda oyo akumpaire mu ngalo dhange, aye nze naaloba kugalula mukono gwange kukola kabi ku oyo Musengwa Katonda ye yasiiga omuzigo.