Zabbuli 17:1 - Baibuli Ekibono kya Katonda 2014

¹ Wo Musengwa Katonda, wulira okulira kwange nga nkusaba oyoleke obutuufu bwo. Ntegera kutu owulirise okusaba kwange okuziramu kuguya.

Zabbuli 17:1 Iomraidhean Croise

2 Samueli 22:24

Mu maiso ge nzira musango, era neekuuma ndobe kugwa mu kibi.

2 Ebyomubyanda 7:15

Ndidha kulabiriranga eisinzizo lino era ntegenga amatu okuwulira byonabyona bye banansabanga nga bali omwo

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Yobu 16:17

Ate nga tikolangaku bukambwe, era nsinza Katonda bukalamu.”

Zabbuli 102:2

Bwembanga mu buzibu otandekuliranga bw'agho. Wuliranga kye nkoba, oyangughengaku okumbeera nga nkwese.

Zabbuli 140:12

Wo Musengwa Katonda, ndidhi nti olwanirira abadaazibwadaazibwa, waalwanirira n'abaavu balobe kunhigirizibwa.

Zabbuli 142:1

Ndirira Musengwa Katonda aidhe ambeere; era mmweghemba awulire okusaba kwange.

Zabbuli 142:6

Otaloba kumbeera nga nkulirira, kuba mpoiremu eisuubi. Mponia abo abankiriga, kuba ba maani inho okunsinga.

Zabbuli 143:1

Wo Musengwa Katonda, wulirisa okusaba kwange. Nga bw'oli omutuufu era omwesigwa, wulira okukweghemba kwange, onkolere kye ndi kukusaba.

Zabbuli 145:18

Abo abasaba Musengwa Katonda, Musengwa Katonda oyo tabasuulirira, abo ababa nga bamusabye n'omwoyo omulala.

Zabbuli 18:20

Yansasula ng'ajiira ku butuufu bwange; yampa enkabi dhe kuba nziraku musango.

Zabbuli 18:44

Olwampuliraku bati, baatoolera okugondera ebiragiro byange, abamaghanga agandi baidha ye ndi nga baavula bwavule.

Zabbuli 43:1

Wo Katonda wange, sala mu butuufu oyoleke nga bwe nziraku musango, era mpolezaagho nga ndi kuwoza n'abantu abatatya Katonda; ntoola mu ngalo dh'abantu abaguya era abatali beesimbu.

Zabbuli 5:2

Wulira okulira kwange, kuba niiwe ye nsaba, iwe Kyabazinga wange era Katonda wange!

Zabbuli 54:4

Aye nze Katonda n'ambeera. Musengwa Katonda n'akuuma obulamu bwange.

Zabbuli 55:18

Aidha kundhiza bwera okuva mu ntalo dhe nwana, kuba bali kamaala abeetegeike okulwana ninze.

Zabbuli 61:1

Wo Katonda wange, wulira okulira kwange; owulirise ni bye ndi kukusaba.

Zabbuli 61:2

Ndi kukwetera eno eghala ng'omwoyo gunziriike. Nginga ontwale mu kifo kye naabaamu nga nzira kutya;

Zabbuli 66:19

Aye bwenebwene Katonda yawulirisa okusaba kwange, era yankolera bye namusaba.

Zabbuli 7:8

Niiwe osala emisango egy'abantu boonaboona. Sala ogwange oyoleke nga bwendi omutuufu era nga bwenzira musango gwonagwona.

Zabbuli 84:9

Wo Katonda, gha kyabazinga enkabi oyo atulwanirira, saasira oyo ye wasiiga omuzigo.

Zabbuli 86:1

Wo Musengwa Katonda, ntegera kutu owulire okusaba kwange, kuba ndi muntu mughafu era mwavu.

Zabbuli 86:6

Wo Musengwa Katonda, ntegera kutu nga nkusaba; owulire okulira kwange nga nkweghemba okumbeera.

Zabbuli 88:3

Ebizibu bindhidhwire, ndi kumpi na kuja mu magombe.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Matayo 15:8

‘Abantu bano bantaamu ekitiisa mu bibono bubono, aye omwoyo gwaibwe gundi ghala.

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

1 Yoanne 3:21

Bakagwa, emyoyo gyaife bwe gitatulumiriza, olwo tuba bagumu mu maiso ga Katonda.