Zabbuli 148:8 - Baibuli Ekibono kya Katonda 2014

⁸ N'imwe omuliro, omugozi, omuzira, n'olufu era n'empewo ya kiwunga ejiira ku biragiro bye, mumusaake.

Zabbuli 148:8 Iomraidhean Croise

Amainhama 19:24

Agho Musengwa Katonda yaagwisa obuganga bwa salufa, ng'oti maadhi, ku Sodoma ni Gomorra, nga buva mu igulu.

Yobu 37:12

Ebire byezungulula eno n'ere, nga bw'aba abiragiire. Bikolera ku biragiro bye buli ghantu ghe bija.

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Zabbuli 18:12

Mu bimyanso ebyali agho, mwavaamu omugozi n'amanda agaliku enimi edh'omuliro, byaghaguza byabita mu bire eby'amaadhi agazigwire.

Okuvaayo 10:13

Kale Musa yaagolola omwigo gwe ng'agusonse ku nsi Misiri. Musengwa Katonda yaaleeta empewo ng'eva e buvandhuba, yaakunta omusana ogwo gwonagwona n'obwire bwonabwona, era okuja okuwuuna enkyo ng'empewo eyo eyava e buvandhuba ereese enzige.

Okuvaayo 10:19

Era Musengwa Katonda yaakyusa empewo ey'e buvandhuba, yaaviira e bugwandhuba n'amaani, yaasitula enzige yaadhisindiikiriza, yaadhituusa mu Nhandha Emyufu. Mu nsi yoonayoona Misiri timwasigala nzige naire endala eti.

Okuvaayo 14:21

Agho Musa yaagolola omukono ng'agusonse ku nhandha. Musengwa Katonda yaasindika empewo ey'amaani eva e buvandhuba, yaayeyaagho amaadhi ag'enhandha obwire bwonabwona. Amaadhi geeyawulamu, aghabaire enhandha ghaafuuka itaka ikalu.

Isaia 66:16

Musengwa Katonda alibonereza abantu boonaboona ng'akozesa muliro na mpiima, era abo b'aliita baliba kamaala.

Yoeli 2:30

“Ndyoleka ebyamagero ku igulu ni ku nsi. Ghalibaagho omusaayi, n'omuliro, n'omwosi ogwesimbye ng'oti mpango.

Abalevi 10:2

Amangu ago Musengwa Katonda yaasindika omuliro, gwabookya, baafiira mu maiso ge.

Amosi 4:13

A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Amosi 7:4

Kabiri Musengwa Katonda yandholeka bino: naja okulinga nti nga mmubona ng'alikweta okwokya okw'endhuba okuli ng'oti muliro, kwidhe kubonereze abantu be. Enhandha yali emaze okwokebwa okuva ku ntobo era nga n'obukalu butooleire okuya.

Yona 1:4

Aye Musengwa Katonda yaagheereza empewo ey'amaani ku nhandha, kiwunga yaasiikuula enhandha ebitakobeka, kumpi n'eryato limenhekemenheke.

Yona 1:5

Olw'okutya okunene, abavuzi b'eryato baalira, buli muntu yaayeta omusambwa gwe. Baatoola ebintu ebyali mu lyato baabisuula mu nhandha olw'okuwewula ku lyato. Aye Yona yali aserengeite mu kisenge ekya ghansi eky'omu lyato, era ng'atendwike endoolo enhingi einho.

Okubala 16:35

Agho Musengwa Katonda yaasindika omuliro gwayokya abantu ebikumi ebibiri n'ataanu abaali nga bali kuniosa obubbaani.

Yoshua 10:11

Abamori bwe baali nga bali kulumuka Abaisiraeli, nga bagemye engira eyo ebita ku lusozi Bethi Horoni, Musengwa Katonda yaabasuulaku amabaale ag'omugozi amakologho nga gava mu igulu. Gaaja nga gabamagalikaku okutuukira irala e Azeka, era gaabaita. Abaafa amabaale ago baawula abo Abaisiraeli be baita n'empiima.

Okwolekebwa 16:21

Amabaale ag'omugozi amakologho, nga buli ibaale lizitogha kilo ng'oti makumi ataanu (50), gaava mu igulu gaamagala ku bantu. Abantu baavuma Katonda olw'ekibamba eky'omugozi, kuba kyali kibamba kya ntiisa inho.