Zabbuli 148:7 - Baibuli Ekibono kya Katonda 2014

⁷ Musaake Musengwa Katonda mwenamwena abali mu nsi, imwe mwenamwena agasota ag'omu maadhi ni byonabyona ebiri ku ntobo y'enhandha.

Zabbuli 148:7 Iomraidhean Croise

Amainhama 1:21

Agho Katonda yaatonda agasota ag'omu nhandha, n'ebiramu ebindi ebiba mu maadhi ebya buli nsambo era n'enhonhi edha buli nsambo. Katonda yaakibona nga kikalamu.

1 Bakyabazinga 13:28

Yaavuga endogoyi, yaaja yaayagaana omulambo gw'omulanzi nga gugwire agho mu ngira. Era ng'endogoyi n'empologoma byemereire kumpi nagwo empologoma nga teguliire era nga teyuziizayuziiza ndogoyi.

Zabbuli 104:24

Wo Musengwa Katonda, nga wakola ebintu nga bya nsambo kamaala! Ate waabikola mu magezi amangi oti ki! Ensi eidhwire ebitonde byo.

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 43:20

Ensolo edh'omu nsiko dhirintaamu ekitiisa, n'ebibe ni maaya byansaaka; olw'okuba ntaagho emiiga mu nsi enkalukalu naaleetera amaadhi okuba mu irungu, olwo naagha abantu bange be nalondamu okunhwa.