Zabbuli 148:13 - Baibuli Ekibono kya Katonda 2014

¹³ Boonaboona ka basaake eriina lya Musengwa Katonda, kuba eriina lye n'erisinga agandi goonagoona obukologho; ekitiisa kye kiri ghaigulu okusinga ensi n'eigulu.

Zabbuli 148:13 Iomraidhean Croise

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

Zabbuli 108:4

Okugonza kwo okutakoma kungi inho okusinga n'eigulu mu bugungumavu, ate obwesigwa bwo butuuka ni ku bire.

Zabbuli 113:4

Musengwa Katonda n'afuga amaghanga goonagoona, n'ekitiisa kye kisinga n'eigulu.

Zabbuli 150:6

Buli kintu kyonakyona ekiri n'obulamu ka kisaake Musengwa Katonda. Mwenamwena musaake Musengwa Katonda!

Zabbuli 57:6

Abazigu bange bantega olutuula, naazirika mu mwoyo gwange. Baasima ebiina mu ngira ye mbitamu, aye baabigwamu beene!

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 8:1

Wo Musengwa Katonda waife, eriina lyo nga ikulu inho mu nsi yoonayoona! Ekitiisa kyo ekiswikirira eigulu lyonalyona,

Zabbuli 8:2

kisaakibwa ku minwa egy'abaana abato n'abo abayonka. Wataagho ekimante olw'abo abakola by'otayenda, okulobera abakulwanisa, n'abenda okulwana enzigu.

Zabbuli 8:9

Wo Musengwa Katonda waife, eriina lyo nga ikulu inho mu nsi yoonayoona!

Zabbuli 99:9

Musaake Musengwa Katonda waife, mumusinze nga muli ku lusozi lwe olutukuvu; kuba Musengwa Katonda waife mutukuvu.

Olwembo 5:16

By'ayogera biwooma okuwulirisa, era yeenayeena nga bw'ali ansanhusa. Imwe abaghala ab'e Yerusalemu, atyo bw'ali omugonzi, era oyo ni mukagwa wange.

Olwembo 5:9

Mukazi iwe asinga obulungi mu bakazi boonaboona, omugonzi wo kiki ekimuleetera okuba ow'endhawulo ku bandi? Kiki ekimufuula ow'endhawulo einho, memale otulayize otyo?

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 33:5

Musengwa Katonda mukologho, kuba n'afuga ebintu byonabyona. Aliidhuza mu Sioni amazima n'obutuufu,

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Zekaria 9:17

Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

Matayo 6:13

Totutwala mu kulebwa, aye tulokole mu bubi.’

Ab'Efeso 4:10

Oyo eyaika ghansi n'oyo era eyaniina ghaigulu irala, olwo abe ng'aba buli ghantu.

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.