Zabbuli 147:1 - Baibuli Ekibono kya Katonda 2014

¹ Mwenamwena musaake Musengwa Katonda! Nga kirungi okwemba enhembo edhisaaka Katonda waife! Olw'ekisa kye agwaine okwemberwa enhembo edhimusaaka.

Zabbuli 147:1 Iomraidhean Croise

Ezera 3:12

Aye bangi ku bakabona, n'Abalevi, n'abakulu ab'enda dha baiseibwe, abaali abakulu mu myaka nga n'abaabona ku isinzizo eryasooka, bwe baabona omusingi ogwo nga guli kuteebwagho, baawowoola amaziga. Aye abandi abaali agho, baakuba emizira olw'eisanhu.

Zabbuli 135:3

Musaake Musengwa Katonda kuba mulungi inho! Era mwembe enhembo edhisaaka eriina lye, kuba wa kivunika.

Zabbuli 33:1

Imwe abatuufu musagambe olw'ebyo Musengwa Katonda by'akola; kituufu okumusaaka imwe abagondera ebiragiro bye.

Zabbuli 42:4

Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Zabbuli 92:1

Kigwaine okukusiima by'okola, iwe Musengwa Katonda! Kigwaine okwemba enhembo edhisaaka eriina lyo, iwe Ali Ghaigulu Yeene!

Zabbuli 92:2

Era kigwaine buli nkyo okukoberanga abantu nga bw'obagonza obutalekera, na buli igulo okubamanhisanga nga bw'oli omwesigwa;