Zabbuli 146:9 - Baibuli Ekibono kya Katonda 2014

⁹ Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

Zabbuli 146:9 Iomraidhean Croise

2 Samueli 15:31

Agho ghaabaagho abaakobera Daudi bati: “Ahithofeli ali mu abo abakudheemeire abali ni Abusalomu.” Daudi bwe baamukobera, yaasaba ati: “Wo Musengwa Katonda, nkweghembye fafaagania amagezi Ahithofeli g'anaagha Abusalomu, gafuukemu busiru.”

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 145:20

Musengwa Katonda akuuma obulamu bw'abo abamugonza, aye abakozi b'ebibi boonaboona aidha kubazikiriza.

Zabbuli 147:6

Musengwa Katonda asitusa abo abaniinirirwa, aye abakozi ab'ebibi yaabasuula ku itaka.

Zabbuli 18:26

Oli mutukuvu eri abo ab'emyoyo emitukuvu, aye olabukira mangu abo abakozi b'ebibi.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Ensambo 15:25

Musengwa Katonda azikiriza endhu edh'abantu abeekuluntaza, aye yaakuuma ebintu bya banamwandu.

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Yeremia 49:11

Muleke bamulekwa baimwe, nze ndidha kubalabirira. Ni banamwandu baimwe beesige nze.

Hosea 14:3

Ensi Assiria tesobola kutuwonia, n'embalaasi edh'omu lutalo tidhiidha kutuyamba. Era tituliirayo kabiri kweta ebintu bye twekolera n'engalo dhaife, tuti, ‘Katonda waife’; kuba iwe ogemerwa ekisa abo abaziraku babayamba.”

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

1 Ab'e Korintho 3:19

kuba ensi ky'edhuuba okuba amagezi, kiba busiru mu maiso ga Katonda. Era kuba kyaghandiikibwa kiti: “Atega abagezi ng'abita mu magezi gaibwe geene”

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.