Zabbuli 146:6 - Baibuli Ekibono kya Katonda 2014

⁶ Oyo n'eyakola eigulu n'ensi, n'enhandha, n'ebirimu byonabyona. Era oyo tiyeerabira ky'aba asuubiiza.

Zabbuli 146:6 Iomraidhean Croise

Amainhama 1:1

Mu kwinhama Katonda yatonda eigulu n'ensi.

Zabbuli 100:5

kuba Musengwa Katonda mulungi okugonza kwe tikukoma kubaagho byanda na byanda, n'obwesigwa bwe buligho eri ense n'ense edh'abantu.

Zabbuli 115:15

Musengwa Katonda oyo eyakola eigulu n'ensi abaghenga enkabi.

Zabbuli 117:2

kuba atugonza inho ekibitiriire era mwesigwa ebyanda n'ebyanda. Mwenamwena musaake Musengwa Katonda!

Zabbuli 33:6

Musengwa Katonda yalagira eigulu lyakolebwa; ebiririmu byonabyona byakolebwa olw'ekibono kye.

Zabbuli 89:2

Okugonza kwo kwa kubaagho byanda na byanda, n'obwesigwa bwo bugumu begulugulu ng'oti igulu.

Zabbuli 89:33

Aye tirilekera kumugonza oba okulekera okuba omwesigwa y'ali.

Zabbuli 95:5

Enhandha yiye kuba n'eyagikola, n'obukalu n'eyabutaagho n'engalo dhe.

Zabbuli 98:3

Yakuuma ekisuubizo, kye yasuubiza endhu ya Isiraeli, eky'okubagonzanga obutalekera n'okubanga omwesigwa ye bali. Okuva ensi y'eva okutuuka y'ekanga, abantu boonaboona baabona obughanguzi bwa Katonda waife obulokola.

Okuvaayo 20:11

kuba mu nnaku omukaaga nze Musengwa Katonda nakola eigulu, n'ensi, n'enhandha n'ebirimu byonabyona, naawuumula ku lunaku olwomusanvu. Kye nava ni ndugha enkabi era ni ndutukuza.

Yeremia 32:17

“Aa, Musengwa Katonda wange, niiwe owatonda eigulu n'ensi ng'okozesa obuyinza bwo obungi n'amaani go agataloodheka. Ghazira kintu kikalangufu inho iwe ky'otasobola.

Danieli 9:4

Naasaba Musengwa Katonda wange oyo nga ndhatula ebibi eby'abantu bange. Naakoba nti: “Musengwa Katonda wange, oli mukologho era ow'entiisa. Iwe okuuma endagaano yo era waagonza obutalekera abo abakugonza ni bagema ebiragiro byo.

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Yoanne 1:3

Ebintu byonabyona byatondebwa nga bibita mu oyo era ghazira kintu kyonakyona ekyatondebwa aghazira oyo.

Yoanne 10:34

Yesu yaabairamu ati: “Kyaghandiikibwa mu Mateeka gaimwe kiti, Katonda yakoba ati, ‘Muli bakatonda.’

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Amateeka Agokubiri 7:9

Agho ni, mukimanhe nga Musengwa Katonda waimwe ni Katonda yenka era nga mwesigwa. Akuuma endagaano n'abantu ab'ense n'ense abamugonza era ni bakuuma ebiragiro bye, era abagonza obutalekera.

Ab'e Kolosai 1:16

Mu oyo ebintu byonabyona mwe byatonderwa: Ebiri mu igulu, ebiri mu nsi, ebiboneka, n'ebitaboneka. Ka bibe bityamo bya bakyabazinga oba bakyabazinga beene, oba abaami oba ab'obuyinza ebintu byonabyona byatonderwa mu oyo, era ku lulwe.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

Okwolekebwa 14:7

Yaayogera n'amamiro ag'amaani ati: “Mutyenga Katonda mumusaake, kuba ekiseera kye eky'okusaliramu omusango kituuse. Mumusinze oyo eyatonda eigulu n'ensi, n'enhandha, n'ensulo.”